孕媽媽在懷孕期間,是最靚的。

楊洛婷(Rabee’a)婚後,積極造人4年,終於得償得願,本來係緊張大師Rabee’a,在懷孕期間,放慢腳步,放輕心情,臉上經常掛住開心嘅笑容,所以囡囡Tanya Faith Wong都係一個甜睡寶寶。Rabee’a喺產前接受本報專訪話:「今次呢個懷孕期間去咗3次旅行,第一次係不知情之下加拿大過新年,之後發現原來有咗,第二個旅行,6月個時同Tim去左baby moon,陽光與海灘影咗啲大肚相,啱啱我都返咗加拿大去探Daddy,其實都好開心,唔係淨係坐喺度等生,成個過程好開心,我希望BB都吸收到呢啲正能量,遲啲大個都會鍾意周圍走,同埋佢都好好動,咁啱我細佬個老婆都有咗,我哋屋企係雙喜臨門o架,我父母好開心,同一時間做爺爺嫲嫲公公婆婆。我弟婦11月生,時間差唔多,佢個肚冇我咁大,BB都冇我咁多郁動,我自己覺得佢有我同Tim啲genies,我哋都鐘意玩,好鍾意跳舞、唱歌仔,都似我哋嘅。」

十月懷胎嘅過程入面,Rabee’a成日笑,充滿正能量,佢話:「好開心呀,因為好彩我老公咁錫我,佢每晚都盡量同BB傾計、唱歌仔,雖然佢好忙,但佢都會抽時間陪我哋,一有時間就去買嘢,最好笑係咩?呢樣嘢要分享,未知仔定女嗰陣,佢話仔又點女又點?都係着黑色衫o架啦!知道咗係女之後,佢話o依家好多女仔衫都黑色好型o架!不過啱啱去咗澳洲,o依家係冬天,我話不如你去買定啲冬天衫,遲啲去加拿大有冬天衫著,佢返到嚟香港買啲衫全部係粉紅色,仲要係係粉紅色毛毛,口水肩仲寫住『I love daddy』,我望住佢問唔係仔女都係着黑色嘅咩。我覺得佢已經係好冧,好開心生女,我成日話幾時作返首歌,我心諗,我結婚個陣都等左8年幾,佢先作一首歌比我,可能個女10歲先有歌聽,哈哈!」

緊張大師Rabee’a,係懷孕初期已經去睇定啲幼稚園展搵資料,咁佢對囡囡又有咩期望呢?佢話:「其實我就希望佢係開心,快樂成長,健康係好緊要,懷孕期間每個月都要照聲波,之前醫生都話,BB個頭比較細,我已經好驚,到第2次去驗又冇事,又大返,BB嘅生長你係估唔到,有時聽到會好擔心,有啲朋友同你講BB個頭有個窿生唔埋個心又好細,聽到呢啲嘢你會好擔心,所以我希望生個女想似我啦,大個又做香港小姐,o依家就會覺得健康,佢想做乜,作為父母會support。」

 

我的美麗孕記3_楊洛婷_01
採訪、攝影:楊潔雯、林德雄

 

楊洛婷(Rabee'a)婚後,積極造人4年,終於得償得願,本來係緊張大師Rabee'a,在懷孕期間,放慢腳步,放輕心情,臉上經常掛住開心嘅笑容。
楊洛婷(Rabee’a)婚後,積極造人4年,終於得償得願,本來係緊張大師Rabee’a,在懷孕期間,放慢腳步,放輕心情,臉上經常掛住開心嘅笑容。

 

我的美麗孕記3_楊洛婷_03

 

十月懷胎嘅過程入面,Rabee'a成日笑,充滿正能量,佢仲話去足3次旅行。
十月懷胎嘅過程入面,Rabee’a成日笑,充滿正能量,佢仲話去足3次旅行。

 

我的美麗孕記3_楊洛婷_05

 

我的美麗孕記3_楊洛婷_06

 

【我的美麗孕記(1)】「希望唔係好痛」胡杏兒憂BB係咁郁 驚青問醫生:係咪有問題?

【我的美麗孕記(2)】6.3磅小公主出世喇 鄺文珣:想Chesney喺肚住耐啲

【我的美麗孕記(3)】懷胎十月去足3次旅行 楊洛婷希望囡囡做香港小姐
想隨時獲得更多親子資訊,就快啲like我哋Facebook啦!⁠⁠⁠⁠

Post navigation