於腹中孕育小生命的感覺,從來都是女士們獨享的甜蜜負擔,寶寶每下心跳、每下胎動,都是懷孕媽媽專屬的體會。

42歲的鄺文珣,今年4月宣佈懷上小公主,加上9歲大仔家澄同7歲細仔家泊,幾乎可以說是大肚專家了,小公主Chesney終於在9月25日出世,鄺文珣回覆時稱:「早咗出世,個個都好開心,尤其醫生拎佢出嚟,我哋聽到佢喊聲,好感動,完全控制唔到自己眼淚,先生都好感動,佢都喊,哥哥都期待見妹妹,最初見到有彈開,妹妹太細粒,後來佢哋都好幫手照顧妹妹。」

於Chesney出世前,鄺文珣接受《蘋果》專訪,她坦言從前是緊張大師,現時已輕鬆不少,唯一讓鄺文珣不能放鬆的是教育一環:「養好容易,教先係重點。」

鄺文珣與應德榮走出婚姻低谷,Chesney到來,對鄺文珣來說又驚又喜:「做媽媽真係好多嘢兼顧,以前好想快啲卸貨,今次想佢大隻啲先,人哋話第三胎會早啲出嚟,所以我成日同佢傾偈,叫佢住耐啲。」

孕婦心情總是忽晴忽雨,鄺文珣卻總是笑意盈盈,她笑謂要擁有快樂孕期,必先擁抱問題:「其實係要自己諗得正面啲,放輕鬆心情去面對就得。早排我都好辛苦,會有啲擔心,不過要接納呢啲情況,同老公分享下,擁抱嗰啲問題,甚至可以喊出嚟,喊完就冇事。」

坊間笑稱「第一胎跟書養,第二胎跟豬養」,問她這次是否再次「跟豬養」?鄺文珣說:「係喎,其實我乜都未買,連走佬袋都未執。第一個嗰陣好緊張,連飲奶都緊張,60ml就60ml,真係多一滴都唔敢,仲要mark低晒啲大便、小便,o依家我咩都冇搞,放鬆心情,我會著重點教育佢多啲。」

肥B不肥媽,鄺文珣陀B期間手腳依然纖瘦,是孕媽媽夢寐以求的身型,談到她的飲食安排?鄺文珣說:「早排瘦得好犀利,o依家飽滿啲、精神啲。我自己就會食多種維他命,因為最容易吸收,多咗又會排番出嚟,其他就雞湯、肉汁、蛋、鮑魚都會長胎,仲有澱粉質好呀,澱粉質可以肥B唔肥媽。」

至於日常生活,她會減少走路、不拿重物:「好彩有兩個仔,佢哋會幫手。雖然湊住兩個仔會辛苦啲,但係我會訓練佢哋做家務。我叫工人姐姐唔好幫佢哋做晒所有嘢,摺衫、執玩具要佢哋自己做番。」

提到初生嬰兒的教育?她指坊間有很多不同的說法,但只有作為媽媽的才最清楚子女個性和習慣:「好似人哋話0至1歲要抱定唔抱咁,我覺得唔係出面點講你就要做,要用自己嘅方法。初為人母,真係好容易俾人影響,聽得多會質疑自己,但其實最緊要係培養小朋友嘅價值觀同埋同家庭嘅關係。千祈唔好人學你又要學,唔好驚佢會輸,應該教佢好好照顧自己,教佢生存嘅意義,唔使迫佢行邊條路,只要佢對自己有信心、識得負責任,條路就唔會行錯。」

場地:Central Central
化妝:MoMo Chow of Ms.Workshop
服裝:Christian Wijnants

美麗孕記_02_鄺文珣02
鄺文珣喺B女Chesney出世一個星期多啲受訪,話好想Chesney住耐啲。
美麗孕記_02_鄺文珣03
Chesney係鄺文珣嘅第三胎,經驗十足,陀B期間鄺文珣話心情好放鬆。

美麗孕記_02_鄺文珣04

美麗孕記_02_鄺文珣05
鄺文珣唔想小朋友人學你又學,希望小朋友照顧好自己。
美麗孕記_02_鄺文珣06
Chesney出世後,暫時都只係見到腳仔相。(資料圖片)
美麗孕記_02_鄺文珣07
(資料圖片)
美麗孕記_02_鄺文珣08
(資料圖片)

 

【我的美麗孕記(1)】「希望唔係好痛」胡杏兒憂BB係咁郁 驚青問醫生:係咪有問題?

【我的美麗孕記(2)】6.3磅小公主出世喇 鄺文珣:想Chesney喺肚住耐啲
想隨時獲得更多親子資訊,就快啲like我哋Facebook啦!⁠⁠⁠⁠

Post navigation