「個樣變咗、鼻都大埋」嘅胡杏兒,懷胎八個多月,下月底生得,日前更公佈BB性別——一索得男,仲有傳佢想40歲之前生夠三個,今年37歲嘅杏兒,要爭取時間造人!

近月胡杏兒依然陀住巨肚開工,一時飛澳洲拍旅遊節目,一時為自家婚紗品牌搞騷,頻撲到老公都在ig投訴。客家新抱多飲湯水少吃補品,有過增肥做「肥田」再極速減磅嘅經驗,杏兒話:「有毅力一定可以生完修身,呢樣我唔擔心,BB而家成日踢我,直情好似在入面打筋斗咁!」採訪:林妙萍
攝影:郭賢興

胡杏兒與老公李乘德(Philip)結婚兩年,今年年頭成功造人,現時陀B八個多月的她,重了20幾磅。之前對腹中嬰兒性別保密,但被老公無意間踢爆陀了男嬰,臨盆在即,杏兒亦開始心情緊張:「要開始準備,都開始有啲驚,因為我想順產,啲人話順產復原得快啲,但我未試過,一生人都未經歷過個種痛,唔知自己捱唔捱到,因為朋友都話會痛到發癲、痛到會暈,所以都有啲驚。」

【囝囝將來有丁權】
講到BB,每日都有新鮮事,杏兒又開心又亂擔心,「有時個肚會摸到一舊嘢,唔知手定腳,爸爸有時會摸下佢。BB成日郁,係咁踢我,直情好似在入面打筋斗咁,係郁到我要問醫生:『佢郁得咁緊要,係咪有問題?』,醫生先話BB郁得多係好事。」老公Philip係客家沙頭角禾坑村原居民、三代單傳,難免有後繼香燈壓力,胡杏兒成功陀仔,將來囝囝更有丁權,而奶奶及李家長輩都由外地返港照顧她。其實客家新抱,有甚麼禁忌?「冇喎,我奶奶整好多嘢俾我食,煲好多湯,但唔係好補嗰種,佢開始整薑醋。」她希望至少生兩個,三個亦唔拘,「一個好悶,我希望唔係好痛,唔好有陰影,如果冇嚇親,會生三個。」

【老公留意情緒變化】
陀B過程,杏兒謂倒是不辛苦:「好多人都話我個鼻大咗,個樣有啲唔同咗。其實頭三四個月係最辛苦,我喺無錫拍緊劇,成日發冷,成日想嘔,冇乜胃口;到四五個月就穩定咗,想食吓嘢,嗰段時間係最舒服。到咗依家,去到第三個階段,又開始辛苦,因為BB重,我就瞓得唔係好好,同埋唔會暴飲暴食,唔想俾佢太大隻,因為生出黎好難生。」產婦最怕肥人不肥胎,她就不擔心自己產後修身,「只要付出努力,肯去做運動,就一定得,呢樣嘢係毅力,我都試過增肥、減肥拍劇。」

孕婦情緒波動大,杏兒多謝老公體諒及開解,「老公有留意我情緒,我都發覺有時會突然好down,佢都有提醒我,叫我:『喂,你唔好諗埋一邊,自己走咗入個窿喎!』」至於影好激嗰啲大肚寫真,杏兒就話唔會喇。

我的美麗孕記_01_胡杏兒01

我的美麗孕記_01_胡杏兒02
杏兒日前接受《蘋果》訪問。

 

我的美麗孕記_01_胡杏兒03
佢仲分享陀B心得。

 

我的美麗孕記_01_胡杏兒04

 

我的美麗孕記_01_胡杏兒05
講到老公,杏兒就話多謝老公體諒及開解。

 

我的美麗孕記_01_胡杏兒06

 

我的美麗孕記_01_胡杏兒07

 

我的美麗孕記_01_胡杏兒08

【我的美麗孕記 (1)】「希望唔係好痛」胡杏兒憂BB係咁郁 驚青問醫生:係咪有問題?
想隨時獲得更多親子資訊,就快啲like我哋Facebook啦!⁠⁠⁠⁠

Post navigation