適逢囝囝一歲生日臨近,Facebook 不停溫馨提示你一年前,尤其係身型,係咩光景,上個月彈咗呢張出嚟:

86601

那時囝囝三十四周,其實多得大肚仍然keep住做瑜伽,整個孕期重咗整整10公斤左右,不過都總有麒麟臂士啤呔同埋肥脾鬼崇見人嘅一面…
(利申:生之前嗰三日嗰陣明明都冇咁大象feel)

86602
一年過後,托賴磅數竟然輕過大肚前,堅持一日一瑜伽固然令我身型好快重返家鄉,餵人奶對「我要消脂」的確有一手。所以飯可以唔食,但奶一定要餵。

86603
如果適當利用埋阿囝亞囡當啞鈴當沙包做負重運動,自然可以寓運動於親子時光,入門版有以下動作:

1. 樹式(tree pose)
手臂盡量貼近身體,夾實胳肋底,將bb緊抱胸前。抱住個八公斤沙包做嘅雙人樹式,同單人嘅分別在於,手臂三頭肌會一直鎖緊,開hip練平衡之餘仲可以修靚手臂線條。
86604

2. 深蹲式 (goddess pose)
手抱bb版沙包、兩隻腳打開盤骨三尺,腳掌60度向外踩實地下、闊度尾龍骨指向地下蹲低,同樹式一樣練到手臂之餘,bb嘅重量增加咗深蹲嘅難度,令到開hip練core同埋大腿肌肉呢啲功效通通double up!

3. 船式(boat pose)
Core係產後要重新修練嘅重災區,將bb抱喺腹前,身體微微座後,鎖緊腹部肌肉再提腿,初練習時可以摺起膝頭才提起雙腳,不必急於完全伸直。都係嗰句,bb嘅作用係令成個動作有weight training功效,佢本身仲會有去咗遊樂場玩嘅錯覺添。

86606

4. 提腿
雙人瑜伽經典動作:媽媽做底樁,用小腿舉起bb,囝囝每次都笑到瞇起對眼。此動作仲可以提升媽媽嘅盆底肌肉同埋練埋core。

86607

溫馨提示: 媽媽們唔駛急於瘦身,好好享受坐月又做皇后又做奴隸的難忘時刻吧。體力於產後六至十二星期會返番嚟搵你,唔好急,唔好亂,一切因人而異,等自己體力ready,慢慢才同baby一齊做親子瑜伽!

想知更多育兒資訊,請留意@Easy Pama


86608

Yogavis
十年前hea做過幾堂瑜伽,2015年重返墊上密集式練習,特別鍾愛Mysore式Ashtanga練習方式,先後修讀RYT500 HathaYoga 及Advanced Hatha Yoga瑜伽導師課程,一完course就大肚,深信瑜伽是1小時極速順產及極速修身的不二良藥。現時最期待是囝囝長大後一起玩Acro Yoga。

連結:@Yogavis

產後光速修身法寶 親子瑜伽
想隨時獲得更多親子資訊,就快啲like我哋Facebook啦!⁠⁠⁠⁠

Post navigation