大仔洪大仁才四歲,就常見報導說爺爺洪金寶打算帶他去少林寺學真功夫。對此周家蔚舉腳贊成,不是因為想兒子像爺爺一樣好打繼承衣缽,更重要的其實是學習磨練心志和尊師重道:「學武術嘅人個個都捱得苦,懂謙卑,我希望兩個仔學識嘅唔係pride,而係humble。」

image1

學中國功夫是必須的
爺爺洪金寶雖然錫晒兩個寶貝孫仔,不過Tj和Jt犯錯的時候,一樣嚴厲責備絕不手軟:「有一次Tj同爺爺玩得過火,伸腳想踢人,俾爺爺好大聲鬧……我唔喺現場,不過當工人姐姐話俾我知時,我覺得鬧得啱!咩叫長輩、咩叫尊重,年紀細細都已經要識。所以我諗住出年大小小就可以俾佢哋去學功夫,正如爺爺所講,學武就一定有師徒之分,會學懂尊師重道。我喺老爺同老公身上都睇到,學武嘅人都係鍛鍊過、捱慣苦。如果咁都捱得過、經歷到,對佢哋嘅心智同思維都係一種鍛練同挑戰,人生條路仲係好長,如果遇到挫折同難關,我相信佢哋就唔會咁容易被打敗,會識得自己爬番起身!其次我舊年開始都有俾Tj學Jazz,一樣唔係練手腳咁簡單,除咗協調同平衡,其實學舞步記舞步都係一種大腦訓練,想令個頭腦更靈活,唔係只靠書本!」

image2 image3

基因測試因才施教
唾液基因天賦測驗是近年才出現的新興玩意,真實與否、到底是不是「高科技算命」坊間反應兩極,周家蔚也帶了兩個兒子做基因測試,結果顯示兒子不愛讀書不過天生運動機能優越過人:「唔係測試完就疉埋心水唔強求佢哋讀書專心去咗發展體能,反而係因才施教,由平時生活習慣開始培養佢哋對讀書興趣。我同天明都唔鍾意睇書,不過遇到有興趣嘅,天明睇game書一氣呵成、我就為咗對仔睇咗好多育兒書。呢兩年我每朝每晚都會陪囝囝睇書,慢慢連弟弟都慣咗每晚上床都要求聽故事攞本書睇先……我相信好習慣一定可以由細培養,同埋隨着年紀長大,最緊要係搵到兩兄弟嘅興趣,再引領佢哋向自己善長嘅方向學習發展。」

image4

想知更多育兒資訊 請留意Easy Pama

周家蔚(下) : 真正要學的是謙卑
想隨時獲得更多親子資訊,就快啲like我哋Facebook啦!⁠⁠⁠⁠

Post navigation