結婚、生仔,從此過着幸福快樂少奶奶生活,印印腳做洪天明老婆、洪金寶新抱……你以為12年結婚的周家蔚生活就是這麼簡單?其實差得遠!

已為人母、尤其家有兩個兒子的應該都懂,起居、飲食、教育還有如何不讓兩個兒子覺得被厚此薄彼,做媽媽的學問多得是!以前不愛看書、翻兩頁紙眼皮就打架,現在的周家蔚為了兒子在學校圖書館做家長義工,還借了不少育兒書回家鑽研。每一本書、每一天對着兩個兒子Tj(洪大仁)和Jt(洪意琋)都是新的一課、新的挑戰!

661a92b3ly1fiev2ew2mhj20u00u0jvo

有二胎後學懂的事
時間較得剛剛好,12年結婚後,周家蔚翌年生下大仔洪大仁、兩年後再生下弟弟洪意琋、一心計劃明年Tj入學後就開工追多個女。講就容易,其實周家蔚說這兩年對着兩兄弟已經夠熱鬧:「有兩個仔個體會就係,屋企每日都好嘈、每日都有好多紛爭要解決。兩個年紀唔同需要嘅關注同講嘅道理都唔同,時間精神都要分配得好好。Tj都係得四歲,有時都要身邊人提醒我,唔好對住哥哥就Say No,對住仲係BB嘅細佬眼神就只得痛錫同關愛。講真嗰句,爺爺嫲嫲好耐
冇見返一次香港,都話哥哥乖咗好多。其實係真嘅,Tj做咗哥哥後對弟弟好忍讓、又知道自己係榜樣唔可以激嬲爸爸媽媽,唔好因為第二胎,就忽略咗原本已經好懂事、好窝心嘅大仔!」

661a92b3ly1fggnmlk5s2j20u00u01kx

661a92b3ly1fh6rwdadtbj20u00u07wh

放手兒子自己選擇
爺爺洪金寶在電影圈德高望重、爸爸洪天明交遊廣闊又周圍飛,還有個契媽係佘詩曼,周家蔚說兩個兒子去到哪裡都被捧在手心、爸爸次次拍完戲回港一定帶回禮物玩具博兩個仔一笑,周家蔚不會阻止別人愛錫兒子,但是剩下母子時就一定要認真教育:「出街人哋請佢哋食得雪糕糖太多,我會買有機蜂蜜lollipop俾佢哋食,又會自己包甘藍羽衣雞肉餃子、或者洋蔥紅蘿蔔雞塊甚至自製雪糕俾佢哋食,自己整最放心;出面成日收禮物,我就好少買玩具,話俾佢哋知無論水、電都唔可以浪費,要識節省同使費合理。我喺學校圖書館睇咗本書《5 Love Langueges of Children》,學識其實對小朋友施予嘅愛更重要係陪伴同幫助,所以有時會交俾個仔自己選擇:『你想媽咪出去賺多啲錢定係可以陪喺你哋身邊呢?』佢哋更想我陪,又可以順便教佢錢嘅概念,其實爸爸同爺爺賺錢唔容易,背後捱更抵夜又周身傷,付出真係有好多!」

661a92b3ly1fh5nzm4rq5j20u00mi76c

下集待續,原來有個爺爺是功夫巨星,周家蔚希望兒子也學功夫並不是為了比人好打,而是學會尊師重道和謙卑!

想知更多育兒資訊 請留意Easy Pama

周家蔚(上): 陪伴幫助比物質重要
想隨時獲得更多親子資訊,就快啲like我哋Facebook啦!⁠⁠⁠⁠

Post navigation