大女昔日香港幼稚園的同學仔,近月升讀小學一年級,有家長表示,諗住揀一間「冇咁多功課」的小學,結果也是N份功課拎回家,九月開學,十月就有測驗。(其實係筆者小學母校,如果在香港讀小學的話,好可能是讀同一間,有分加的說。)

紐西蘭年頭開學,換句話說,我大女就快讀完一年班,成個學年,除了每日拎本薄薄的故事書回家之外,有冇其他功課呢?原來有㗎!幾多份?一千零一份。這「一份」功課,仲要係小朋友負責玩,家長負責做——就係帶隻公仔去玩!

老師準備了一隻叫做Eli的大笨象公仔,全班每位小朋友,一人一星期帶佢回家,再Report番「我和Eli去哪兒?」。話說,一眾小朋友都期待帶Eli去玩,有同學仔帶佢去到無雷公咁遠遊山玩水釣魚,我就近近地去了Auckland動物園隔籬的Western Springs Lakeside Park,一地都係走地雀,好過癮。講番份功課,喂阿哥,我做過N年紙媒,編採排版砌稿校對統統交畀我啦!

1401

接象仔Eli回家,心情愉快好興奮。

1402一於去湖邊公園玩啦,藍色那隻是Pukeko,係沼澤雞,紐西蘭特產,很常見。

1404

當黑天鵝遇上大笨象!

1405同Eli影張靚女相先,交功課㗎!

1408筆者電腦冇InDesign,唯有用Pages砌稿。

1409完成!睇過其他家長的作品,我這份絕不失禮。

 

想知更多育兒資訊,請留意Easy Pama


178
海外PaMa Siltone Li
人稱「棟爺」,兩女之父,香港傳媒業內打滾十多年,寒流襲紙媒之際,隨妻女移居地球天腳底紐西蘭,數綿羊渡日。
「一份」功課
想隨時獲得更多親子資訊,就快啲like我哋Facebook啦!⁠⁠⁠⁠

Post navigation