作為一個Model,Cara G.又要行天橋天要上電視,身材真係好重要,生完小朋友極速修身,係咪要靠好多外界幫助?對一個身兼多職嘅媽媽而言,分配時間係咪已經有一個完美嘅準則?

88803

瘦身最緊要郁得多
好多媽媽以為Cara有靈丹妙藥獨門秘技極速瘦身,其實道理好簡單,Cara話:「我咁快回復原本嘅身材,最重要嘅原因係因為我好多嘢都會自己做,避免靠工人姐姐,例如我會親子照顧孩子,我會照顧我嘅狗仔,只要郁動得多,配合健康嘅飲食,就好快會瘦。我有時都會參加健身班,但最主要都係moving around,經常同小朋友外出,各位媽媽,郁多啲就可以瘦快啲架啦。」小編記得Cara生India嗰陣,住緊唐樓,每日行幾層樓梯上上落落,真係好堅;而且佢好多事都親力親為,小編唔小心踢甩咗佢牆上嘅一塊磚,佢都真係自己親手整返,瘦真係要付出!

88804

分配時間談何容易
Cara係一個model、果汁店老店、媽媽、太太,仲有參與真人show演出,一個人身兼多職,一日24小時點解會夠用?Cara笑言:「可能我實在有太多身份,大家都以為我有一個分配時間嘅perfect recipe,其實我仲係學習階段,能夠好好咁分配時間實在好難,我目前最希望就係slow down自己嘅生活,我仲學習緊。」

88802

囡囡想做Model可以嗎?
人人都覺得Model生活多姿多采,但小編認識嘅名模Cara G.一向活得簡單健康,以前有幸參觀佢屋企,沒有一個令女人羡慕嘅衣帽間,就算有小朋友亦非常整齊乾淨,佢嘅生活態度,小編係非常欣賞。若果兩位囡囡想入行做Model,佢又會唔會支持呢?「其實無論India同Frejia大個想做咩我都會支持佢地,其實做Model本身比咗好amazing嘅經歷我,支持我實現好多夢想。我並唔係來自一個好富裕嘅家庭,Modeling工作令我可以周圍飛,接觸不同嘅世界,同時收入亦能夠支持自己同埋家庭嘅生活;反之,做Model亦有辛苦的一面,我係幸運無接觸到黑暗面,若果囡囡希望入行,我希望佢地能夠好似我咁勇敢去接受挑戰。」

專訪名模Cara G.育兒心得(2) -產後極速瘦身easy job
想隨時獲得更多親子資訊,就快啲like我哋Facebook啦!⁠⁠⁠⁠

Post navigation