有好多香港父母著重學習,不同嘅學前班學習中英數普通話,但混血兒名模Cara有另一番見解,佢認為小朋友細細個,學術嘅學習唔係最緊要,反而學懂分享愛,睇多啲望遠啲,對人生好有幫助。

88701

希望孩子能分享愛
Cara有兩位可愛嘅囡囡India及Frejia,兩個小朋友年紀仲細,目前「學校教育」對Cara嚟講並唔係最重要,「我肯定唔係crazy mum,教育係重要,但小朋友仲細,我覺得而家呢個階段,對其他小朋友嘅互動,爸爸媽媽嘅身教,學識尊重人同動物,培養佢哋嘅愛心,學識分享愛,係最重要。我希望佢哋透過唔同嘅活動,能夠睇多啲看多啲。」

88702

孩子玩到打交 就要Time out
兩人年紀相差不足兩歲,兩姐妹有時糖黐豆,有時水溝油。Cara苦笑:「佢哋真係成日打交鬧交,扯頭髮乜都有,我哋都有成日同佢地講道理,要愛護姐妹,要愛惜家人,但要明白孩子始終都係孩子,我相信佢哋心入面係好愛護對方,但都會繼續打交鬧交,我唯有比個time out佢地。」

Bed time story好重要
Cara一有空閒時間就會同囡囡周圍放電,沙灘、公園、遛狗,總知希望囡囡們能夠玩得盡興。而家長們都著重bed time story,Cara亦然,「我會盡量每晚趕返屋企陪佢地bath time 同埋 bed time。我比較好彩,我啲時間都有彈性,bed time story我會同佢哋一齊讀4、5本書,或者同佢地一齊唱下歌,增進感情。」

旅行係教育重要一環
Cara經常一家大細去旅行,「對我嚟講,旅行對小朋友嘅成長好重要,拓闊佢地嘅視野,無論對不同地方嘅食物文化都可以睇多啲。最最最緊要係,我希望佢哋可以睇下唔同人嘅生活,想佢哋知道有人有錢有人無咁有錢,教佢哋要珍惜同感恩自己擁有嘅生活。同時都希望佢哋透過旅行,感受大自然嘅奇秒,點解有啲地方日長夜短?點解有啲地方凍啲?小朋友會問我,點解未到瞓覺時間,個天就會天黑?我相信呢方面嘅親身體驗,會比學校教嘅書本知識嚟得真實。」

88703

 

盡力控制健康飲食
Cara早年特意去紐約讀過營養學課程,作為一個健康媽媽,Cara又係點樣安排兩位囡囡嘅飲食呢?「有第一個囡囡India嗰陣,的確會特別注意佢飲食,多菜少肉,又少糖,特別準備有機菜有機肉等等,係做得好好;但Frejia出世之後,實在好忙,加上India去上playgroup,你知道小朋友透過同其他人嘅互動令世界拓闊之後,就會帶來翻天覆天嘅改變,佢見到小朋友食嘅野,佢會好奇都會想嘗試,令Frejia嘅飲食變得多元化。而家我地都盡可能比多菜少肉,會比有機肉類佢地食,但同時佢地都會食下餅乾同糖,佢地乖嗰陣就會有lollipop,我知道我唔係完美,但我會盡力做到最好。」

88705

如果想知道產後的Cara點樣極速回復Model 身型,記得留意專訪名模Cara G.育兒心得(2)

專訪名模Cara G.育兒心得(1) – 囡囡親身經歷勝書本所學
想隨時獲得更多親子資訊,就快啲like我哋Facebook啦!⁠⁠⁠⁠

Post navigation