Hilda Leung(梁雅琳)給人嘅印象都係好開心好玩得,留意佢嘅page都成日見到佢同囡囡(阿Bu)嘅親子入廚樂,阿Bu亦都係一個好開心嘅小朋友。作為一位廚師媽媽,Hilda又有咩育兒心得呢?

87101

早生有好處

Hilda生阿Bu嗰陣得26歲,在現在遲生嘅社會算係好早,點解當時會有呢個決定呢?「我嘅懷孕時間的確較同齡嘅朋友早好多,有呢個決定係因為我同老公都好鍾意小朋友,既然大家都有呢個共識,早啲生無論係體力同時間分配上都係好事,因為我仲有體力陪阿Bu去放電去旅行,我會有多啲時間陪阿囡同發掘佢想發展嘅方向。」

87103

尊重孩子嘅選擇

有父母選擇培養孩子成為自己嘅延續;亦有父母希望孩子能自主地行自己嘅路!Hilda係後者,「我對阿Bu嘅教育係相對開放,我同老公都好關愛阿Bu,我地好關注囡囡的興趣同發展,我地會同經驗同意見同阿Bu分享,希望係佢成長嘅路上面都係循住佢嘅興趣發展,但最終阿Bu點樣選擇人生嘅路同發展,我地係會尊重。

87104

簡單、快樂同自主

Hilda教阿Bu有一個宗旨,「我希望囡囡可以係一個簡單、快樂較自主的環境下成長。禮貌、品德、價值觀對我嚟講係教育阿Bu最重要嘅一環,希望佢成為善良,且有良好價值觀嘅小朋友,至於佢會係學業發展多啲,還是向音樂藝術方面進發,其實我哋反而無乜所謂。」

87105

最緊要阿囡讀得開心

每到搵學校嘅季節,就會辛苦了爸爸媽媽,一次又一次嘅交表面試,一個學位實在得來不易。Hilda就話阿Bu而家讀緊幼稚園,是一間本地嘅學校,老師都好有愛心,亦好著重小朋友嘅品德,「其實之前我哋都有做過research,但實在唔太介意係咪入讀一條龍學校、國際學校還是Happy School,我覺得搵學校呢個遊戲實在好大壓力,而家阿Bu都讀得好開心,咁就足夠了!」

87106

了解父母工作 學識體諒

Hilda咁忙咁又點樣分配親子時間比阿Bu?「其實我有時去活動都有帶埋阿Bu,等阿Bu明白我嘅工作情況;當有時唔可以帶埋佢去,阿Bu都會體諒我。」而家Hilda嘅Flavor Mart開設咗零售業務,阿Bu都會好開心同客人say hello,同埋送上試食sample,對Hilda嚟講,呢啲都係好好嘅親子時間。

87107

阿Bu識食健康

作為一位廚師媽媽,做囡囡自然有口福,係咪會特別識食呢?「我會定義識食為,食一啲健康、啱嘅、好嘅食物,而唔係單係講食一啲貴價食物。阿Bu的確係幾為食,亦都算係識食,但佢都算係食得健康,因為從小的飲食習慣,我都會畀好多蔬菜佢食,就算係人哋認為最難食嘅菜我都會畀佢試,希望佢味覺方面嘅range會大啲,會少啲偏食嘅習慣,佢培養咗健康嘅飲食習慣。」

冀阿Bu將興趣變成職業

穿上廚師服好型,煮出精美食物好勁,但做廚師的確好辛苦!如果有一日阿Bu真係想做廚師?Hilda又捨唔捨阿女受苦呢?「我爸爸媽媽都係做飲食行業,雖然唔係廚師,但作為老闆都親眼見證廚師是幾辛苦嘅工作,所以唔想我入行。但反之阿Bu如果想入行,我會舉腳贊成,其實無論阿Bu係想做廚師、小丑、教跳舞或者一個performer,我都無所謂,但希望佢能夠認真地對待呢個passion,如果真係能夠將興趣發展成為職業,我信用佢會做得好。」

Hilda:尊重孩子嘅選擇
想隨時獲得更多親子資訊,就快啲like我哋Facebook啦!⁠⁠⁠⁠

Post navigation