產前產後
【P牌媽咪餵奶篇】開奶唔使用冷熱水 吳日言獲益最多唔使怕忙

2018年娛樂圈喜事重重,時間也過得特別快,不少於早前宣佈造人成功的星媽,排住隊「缷貨」。除了上月19日誕下囝囝嘅吳雨霏,還有同樣是首次陀B的吳日言(Yan)、林芊妤(Coffee)及利嘉兒(Lily)。三位準媽媽日前接受《蘋果》安排嘅「P牌媽咪」大測試,挑戰餵奶、幫BB換尿片及沖涼三個任務!

「民以食為天」,BB最重要當然係食飽飽啦!所以三位準媽媽第一個要挑戰嘅項目就係餵奶。BB每餐究竟飲幾多?BB開奶嘅水溫又係幾多?落水先定奶粉先?Yan、Coffee同Lily當然要知,《蘋果》就安排咗資深陪月課程導師林姑娘,向她們來個快速測試兼訓練。

講到初生BB究竟一餐飲幾多?預產期最近嘅Lily笑住話:「其實之前都有去聽過啲講座,但聽完唔記得咗,但知道BB係飲好少。」Coffee就話完全唔知道,只記得當日用3分1凍水,3分2熱水幫姪仔開奶,Yan就直頭毫無頭緒!

001

吳日言、Coffee同利嘉兒學用奶粉開奶。

002

Coffee同利嘉兒好小心加熱水。

003

Coffee講笑話自己似Bar Tanner。

004

利嘉兒話之前學過沖奶。

005

三位準媽媽跟導師邊學邊玩。

林姑娘提醒三人,開奶先落水再落奶粉,否則難以計算粉量,又更正Coffee用凍水及熱水開奶的說法,因為世衛指引係用攝氏70度幫BB開奶,不再用凍水加熱水呢個方法,而初生BB每餐大約飲2安士奶。最後林姑娘又教她們搖奶粉,是用雙手拿着奶樽左右摔。

BB飲完奶奶,掃風絕對係重要一環,林姑娘教路,BB飲一半奶就要掃風一次,每餐最少要掃2次,掃風時最重要小心托起BB頭仔,絕對不可以吊吊揈。

三位準媽媽聽林姑娘指點後都話獲益良多,但Yan就話已幻想到BB出世後會好忙,Coffee就話:「依家好多人都會餵母乳,但我都唔抗拒餵奶粉嘅,所以今次學到嘅都會用得着!」

006

吳日言攞住支奶好迷茫,Coffee就同利嘉兒研究份量。

007

大家一齊學掃風。

008

Coffee餵奶嘅手勢好似好純熟。

009

利嘉兒抱B似模似樣。

010

吳日言話感覺到生B後會好忙。


 

攝影:陳俊強
影片:葉君海、馮嘉銘
場地提供:香港人才培訓中心
陪月課程導師:林姑娘

精選娛聞,喺晒《娛果》
http://fb.com/appledailyent

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest