教養之道
無窮的愛不等於縱 張美妮(下):被愛包圍的孩子才有自信!

和另一半榮升新手父母,女兒笑咪咪出世二十多天以來,張美妮說對兩公婆來說每天都是挑戰,有點忙亂、有點不知所措、更多的還是幸福:「工人姐姐暫時幫我湊住兩隻狗先、陪月姐姐就負責三餐同教我適應時間表,至於湊B我同老公盡量每晚餵奶換片都係親力親為。BB好快大,每個階段我都想親自體驗、唔想錯過!」

48085918_2328531333886285_1252269728865452032_n

夾手夾腳邊湊邊學
還有一個多星期笑咪咪就要滿月,張美妮慢慢摸索適應到囡囡每日時間表,不過還是有手忙腳亂天下大亂的時候:「上個星期日陪月姐姐放假,淨番我同老公兩個湊女,咁我哋兩個始終唔係熟手技工、個女喊有時又未知為乜,結果換片沖涼拖一拖、餵餐奶又搞咗兩個鐘,成日時間表亂晒,兩個大人冇乜瞓過、連兩隻狗仔都謝晒,哈哈!咁我人生最大興趣就係奶茶,日日都要飲過至舒服。餵咗生女同餵人奶已經戒咗好耐,早兩日諗住放自己半日假啦、飲咗杯奶茶、諗住呢幾個鐘餵住揼定嗰啲先……你知唔知,兩餐奶冇得埋身餵啫,唔係個女唔慣,而係我覺得好失落。突然間覺得好後悔飲咗杯奶茶,原來做咗媽媽以後,咩個人喜好都隨時變得唔重要!」

56764342_2581434515262631_1371354148187930624_n

從心出發待人以誠
性格簡單開朗容易滿足,所以張美妮總帶著笑容,所以女兒也似足媽媽,一出世亦總是笑咪咪:「我之所以係我,因為爸爸媽媽俾我好多愛、好多自由,所以我可以做自己想做的事,由細到大快樂而有自信,又會孝順爸爸媽媽嫁,咗之後一樣日日講電話無所不談,所以我想用呢一套湊大個女,希望有朝一日同笑咪咪一樣感情好到兩姊妹一樣。其次呢,爸爸媽媽由細到大教我有禮貌,呢啲唔係門面功夫,而係真心尊重、真心感激,即使係擦肩而過嗰個清潔阿姐……我諗識得誠懇待人、識得欣賞別人工作同努力,咁樣長大就一定會心地善良不走歪路。至於個女第時教育我冇諗得太遠,反而係老公成日話,唔使個女太靚喎,唔想怇外表太優異而唔識得努力,同埋唔想養個公主病出嚟喎!」

59891798_2650129991726416_8001333083842281472_n

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest