教養之道
39歲剖腹產女 張美妮(上):我要做個好媽媽!

13年和髮型屋老闆男友KK結婚,婚後和另一半繼續你有你忙碌、我有我工作,張美妮和大部份的女星一樣,日以繼夜把人生奉獻給電視台錄影廠,直到一天如夢初醒:「值得咩?」於是推劇停工、婚後五年才開始的起心肝造人學會把家庭放在第一位。去年如願以償成功懷孕,一路佗得無驚無險舒舒服服,這個月初終於報喜,女兒「笑咪咪」出世了!

58722606_2626170877455661_1500956259518513152_n

終於等到這一天
一心計劃想要試試自然生產,不過不說不知道,張美妮是個緊張大師,佗B去到後期,就開始整天自己嚇自己害怕女兒隨時報到,於是貼心的KK希望Minnie食得安心瞓得安落,索性安排好日子讓太太接受剖腹手術:「成個過程我都好好彩,佗得好舒服,仲一直KEEP住行跑步機、做孕婦瑜珈,係去到最後幾個月,老公見我太緊張,兩個商量過不如搵醫生定個日子剖腹。我都唔想催個女、都想一切順其自然,又好好彩喎,預定入院做手術前一日突然作動,個女都READY喇!我特別記得瞓喺醫院張床度用咗麻藥,但係意識清晰亦都感覺到醫生攞佢出嚟嗰一吓,未見到人仔、先聽到好宏亮的喊聲,嘩!即時感動到啲淚水湧住出嚟!我由細到大都覺得做媽媽係天職、都知道自己一定要結婚生BB、跟住有咗等待咗漫長既九個幾月,幻想咗好耐期待咗好耐既一刻終於發生,呢一日呢一種感覺,我諗我一世都會記得!」

61131465_2679180042154744_2687211503525822464_n

只想給她最好的
上個月初,囡囡出世,雖然中英文名仲未諗到,不過因為B女一出世就愛笑,所以張美妮決定先叫住個乳名「笑咪咪」先:「做咗咁多年電視台,日拍夜拍係要頂硬上既,不過梗有想放棄既時候、有怨言既時候、又有想捉住老公撒嬌嘅時候。直到做咗媽媽呢三個星期,我諗我終於搵到自己真正人生目標同終生事業,原來為人母真係可以唔怕辛苦唔知勞累,你唔會有任何怨言唔會想半途而廢,有一個小生命可以成為我世界中心,唯一目的就係想佢得到最好。懷孕期間我諗得好簡單,喂我哋都係飲奶粉大啫嘛,好多人話餵人奶會肥、身材會走樣,我生之前真係會驚呢啲…..到生完之後,我至發覺原來一夜之間所有嘢優先次序都變咗,我唔急住收身一餐食兩三碗飯、完全冇怕過咩個胸會變型乜乜、每日餐餐堅持埋身餵廿幾日都未試過夠瞓,但係竟然從來冇覺得有幾辛苦係咩犧牲,好簡單,既然人奶係最好,自然想俾個女最好的!」

61863594_2719676871438394_4275385191477805056_n

預告:美妮的世界簡單而單純,只希望笑眯眯將來快樂和善良,倒是另一半KK想得多:「老公話個女唔使太靚,外表太優勝既人會忽略咗以為做人唔使太努力!」

想知更多育兒資訊 請留意Easy Pama
想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest