教養之道
時間心機代替電子奶嘴 關心妍(下):其實不用隨波逐流!

不管是對視力、對專注力、控制情緒甚至父母和孩子之間的情感建立,家長們都知道電子奶嘴弊多於利,更不能沒有時間限制依賴太多。關心妍說孩子是自己的,歸根究底,希望孩子好就不能偷懶怕花時間。心心如今整天愛跟著媽媽學字咭、看書、唱歌,還做洗菜做飯學著媽媽做面包糕點,有媽媽陪伴又能在生活中學習,其實哪用得著電子奶嘴。

image1-(1)

image2-(1)

三歲理應玩住學習
去年開始返playgroup,今年九月將升K1,三歲的孩子們,爸爸媽媽都開始趕著送他們學這樣那樣從小培養十八般技藝,關心妍說自己性格一向倔,最不喜歡隨波隨流:「到底咩對小朋友好、幾多歲應該報咩班,身邊好多意見同做法,我會照聽,但係就堅持唔受影響。我都唔知自己嗰套啱唔啱,我淨係知三歲人仔嘢都未講好專注力有限,夾硬要佢坐定定上堂,硬谷硬塞一定唔夠跟住我喺生活中學嘅多。我每日會同心心讀字咭學中文,又帶佢一齊洗菜煮飯,兩母女一路傾一路玩,一路又教佢將學嘅生字用喺生活中,活學活用,食青菜、切蛋糕,順手拼埋生字成句子,又多啲生活常識。唔止我好享受每日照顧佢同佢一齊相處嘅日子,心心都好開心媽咪陪佢、媽咪煮嘢俾佢食。未來條路好長,唔容易行,細個谷佢鞭策佢,我寧願趁住佢細帶俾佢多啲開心記憶,第時長大自己做媽媽,又可以傳承我嗰一套,咁至係作為媽媽我想做到想留俾佢嘅嘢。」

image3-(1)

image4-(1)

一早訓練自立自主
話說在單親家庭長大,媽媽要獨力搵食養家,所以把關心妍和哥哥被送到加拿大升學,雖然學會自己照顧自己,但是眼巴巴看著別人上學放假總有媽媽陪伴疼愛,從小就覺得是個缺失。到了如今自做媽媽,關心妍所以最想做到的,就是讓母女倆都沒有遺憾:「我梗係想永遠陪住佢,但係明知冇可能,我生佢生得遲,到佢讀大學自己都六十歲……所以愛同陪伴要有,但係都唔可以忽略俾佢學會獨立。從小開始,從小事開始,我一直盡量將個決定權交俾佢,希望佢學識決定做選擇,亦都一早灌輸佢唔同選擇會帶嚟唔同後果,你做咗呢個決定,就要預咗自己承受後果,一切冇得反悔返轉頭。心心怕醜,我教佢學識面對人表達自己,小朋友想得到關注,我屋企一向係心心一喊一扭計大人包括工人姐姐都四散,就係想佢知道喊解決唔到件事,不如收聲抹眼淚,話俾媽媽知發生咩事,希望佢學識控制情緒、克服恐懼,識得凡事講道理聽道理,呢啲嘢至幫到佢第時自己一個人都可以行落去!」

image5-(1)

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest