教養之道
壓力對立不是制度的錯 郭晉安(上):為人父母其實有得揀!

三屆視帝、入行34年,郭晉安去年離開老東家無綫改投王祖藍旗下的手工藝創作,而剛剛啟播的《白色強人》正是他的電視台告別之作。電視劇裡的郭晉安表面亦正亦邪其實目標遠大,一心改變政策推行最終讓全民受惠的醫療新政,現實中他則努力扮演好爸爸的角色,與妻子歐倩怡育有一對分別11歲和7歲的兒女。對於香港現行的教育制度把競爭和壓力強加在孩子身上,他說,為人父母其實並非只有一套做法。

6aa61b13gw1eblutj3razj21kw16oalv

6aa61b13gw1f4k91rqev7j20qo0zkgr1

制度完善人為出錯
兒子郭令山11歲,女兒郭以雅快滿八歲,身為當家小生多年又剛剛轉投新公司北上工作愈來愈多,郭晉安則是盡可能的把另一個生命中最重要的角色「爸爸」演好:「每個家長都係由新手做起,大仔出世嗰陣時邊識得咁多?個仔慢慢大,我哋周圍問人收集經驗,有人話國際學校太free,有人就話傳統學校更穩陣,兩公婆就要消化籌劃。其實我覺得香港沿用嗰套英國教育制度係冇問題㗎,歷年亦都培養訓練咗好多專才出嚟,同一套系統,問題係出喺執行嘅嗰班人身上。當你管理一間學校、執行一套系統,你以為自己揸住雞毛定令箭先?你係想為學校揮到全港最高排名,定係為咗搵返學生尊嚴同自己放棄爭奪名次呢?學校出現咗兩極,家長都有兩極,有啲出力谷行細路認為名校成績就係全部,有啲搵食大過天由得佢哋自生自滅。我係屬於中間嗰一班,希望佢哋學習開心少啲壓力,於是呢種所謂Happy School為數不多但係競爭最大,咪就係為人父母先至知道,原來唔係你揀學校,係學校揀你,讀書啫,都唔係肯讀有錢就入到㗎!」

6aa61b13gy1g192wyehn9j21400u0hdt

6aa61b13jw1ek1vvm11sej20qo0f03zc

為人父母你清醒未?
最終,郭晉安和歐倩怡決定讓兩個孩子入讀國際學校,不過他說即使沒有經濟能力,不代表為人父母就不能選擇:「我覺得要清醒嘅係父母,就算經濟能力有限冇得揀要靠政府派位,老實講,愛係唔使錢、陪伴都唔使錢。你做咗選擇,就要承擔後果,個個父母都話愛個小朋友,但係跟住學校嗰套越嚟越現實,因為壓力大所以將所有嘢凌駕於小朋友之上、連關係都變得對立。喂,我哋生佢嗰陣時唔係話無限愛心嘅咩?一夜之間啲愛去咗邊?吓吓補習力谷,樣樣都話為佢好,明明一開始唔係咁諗㗎!我想話錢唔係全部,學業學校都唔係全部,呢啲以外,更多嘅係要用關係同家庭在愛嘅基上搭救,咁多年我同小朋友灌輸最多嘅一樣嘢,就係金錢、名利冇嘢係永久,高高在上可能一夜之間一敗塗地,今日考第一唔代表聽日或者從此以後都係第一,但係有一樣唔變,就係父母嘅愛,同埋呢個家永遠都係你哋、就算對爸爸都一樣,係個避風港。」

6aa61b13jw1f8m74c72t8j20qo0zkjwe

預告:生於漁民之家、在家中九兄弟姐妹中排第九,郭晉安21歲離家選擇了全家人都沒想到的演藝行業。走到今天,這個爸爸最明白,孩子的路不能逼,得要自己走。

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest