教養之道
長氣媽媽與果斷爸爸 唐麗球(下):媽媽再細心都需要爸爸扶持!

十五年來,唐麗球主內顧家湊女,另一半吳毅將則總是在外拍戲賺錢。不過為口奔馳以外,想多些陪伴當個好爸爸,只要有心,一樣做到。波波話,雖然要養家賺錢、一年總有好幾個月不在家,不過一旦回家,吳毅將總是爭取時間盡量陪陪女兒,兩母女關係好到像好姊妹,但是總有些時候,希希可以和爸爸撒撒嬌、度過獨有的父女時光。

父女時光難能可貴
賺錢養家、片約不斷,不過為事業打拼不一定就要全盤錯過女兒的成長,唐麗球說吳毅將再忙再累,還是享受陪女兒、還是會幫忙為大家做決策:「好似去升學呢樣嘢,我始終得呢一粒女,諗咗好耐考慮咗好耐,我老公雖然都錫個女,但係就最怕拖泥帶水,知道係為個女好,比我乾脆利落好多。但有一個條件,本來想送個女去美國近屋企人多啲,佢話太多槍擊太多校園暴力,安全至上都係加拿大好喎!我係媽媽,當然囉唆啲、規矩多啲、求效率多啲,個女有時想鬆一鬆癲一癲,就當然第一時間搵爸爸。佢哋兩父母最鍾意去挾公仔,我覺得嘥錢嘥時間架,但最緊要兩父女開心!個女好醒目,知道爸爸錫佢,通常喺我身上得唔到既嘢,就會向爸爸落手,不過我哋兩公婆教女方針都一致、個女跟得我多都慳家講道理,都唔會要爸爸買無謂嘢!」

01

02

女兒離家的日子
十五年來全副心機都放在女兒身上,今年暑假,希希終於要離家升學,往後日子,媽媽怎麼辦?「養兒一百歲、長憂九十九係真,不過父母眼中都唔應該只得孩子,對小朋友一樣造成太大壓力。今年九月送走個女,我諗我會考吓地產牌、又可以多啲參與慧妍雅集活動,都係時候做吓咁多年自己想做的事。個女在外,當然擔心,但係要教既一早教咗,唔通跟住佢一世咩?我同個女係best friend,咩都傾得咩都講得,同兩公婆一樣,講個信字。會大個女,總會拍拖、總要離家,我一早話俾佢知,人生好長、愛情唔係一切,要搵到懂愛你嘅人,首先你要學識愛錫自己。我哋兩公婆都係做娛樂圈,要話人生忠告,一直都係嗰句,做人做事一定要認真努力。最後成唔成功、可唔可以大紅大紫唔到我哋控制,與其自怨自艾,不如做好自己問心無愧!」

05

03

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest