教養之道
細仔原來係芭蕾舞高手 歐陽妙芝(下):熱愛所以肯下功夫

歐陽妙芝和另一半態度一致,對兩個兒子的學習成績不過份要求,但求享受學生生涯、學會待人處事。至於課外活動,爸爸愛帶著兩個兒子打球看戲、演藝出身的媽媽則常帶著Ahille和Atilla出席活動面對人群。從小學習芭蕾舞,歐陽妙芝從沒有想過小兒子Atilla有表演慾也愛跳舞,愛屋及烏連藝術史、舞蹈家生平也鑽研一番,小小年紀,在舞台上表現更盛過當年考到八級的媽媽!

image1

image2

無心插柳走自己的路
做了媽媽以後,雖然漸漸淡出幕前,不過還是有不少機會出席公關活動和模特兒聚會。Ahille和Atilla從小習慣跟著媽媽面對人群也對演藝行業不多不少有些認識:「細佬好有表演慾,但係性格怕醜啲。哥哥從來唔怕醜,但係個人更有個性,上台彈結他我覺得好charm。兩兄弟冇話過想入行,我都從來唔覺得特登栽培鋪路對小朋友嚟講係好事。佢哋嘅路就由得佢哋自己行,好似我一樣,都係無心插柳入咗呢行。最緊要係尊重佢哋嘅興趣、俾佢哋適當鼓勵,等佢哋搵到自己特長同喜好。細佬學咗四年芭蕾舞,啱啱考完五級,有啲天份又好肯落苦功。上堂學習落堂練習以外,平時好多時間都擺咗落去自己鑽研,睇紀錄片、睇歷史傳記,芭蕾舞起源邊個係大師如數家珍,呢啲咪熱愛囉!大人逼都逼唔嚟!」

image3

image5

情緒控制與說話藝術
至於品德教育方面,歐陽妙芝說大方向一樣,不過兩個兒子性格不同,教導方式也自然要變通:「無論咩年代、讀本地學校定國際學校,大方向都係嗰啲,我要佢哋孝順父母、尊重長輩、守時都要守信用。爸爸比較忙,我每日接佢哋出入盡可能同哋傾多啲、知道學校發生咩事、知道兩個細路諗緊乜嘢。有一樣嘢喺我屋企好重要,就係唔可以講大話!呢樣嘢牽渉到人同人之間嘅信任同待人處事嘅態度。我成日同兩個仔講,紙包唔住火,個大話遲早都會穿,既然講大話唔可以解決問題,不如坦承啲諗吓如何處理。不過另一方面,呢個世界有樣嘢叫美麗謊言,無傷大雅、唔想傷害人,有時的而且確唔係只得說出真相一種方法。兩個仔都話我講嘅嘢好矛盾,不過呢個世界、做人本來就充滿矛盾,謊言同圓滑又係一線之差,做人嘅道理有好多,又要等佢哋慢慢去長大去摸索!」

image4

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest