教養之道
大仔明年澳洲升學 歐陽妙芝(上):放手讓孩子走得更遠!

名模歐陽妙芝04年結婚,婚後先後誕下兩個兒子,14歲的Achille和10歲的Atilla。時間飛逝,今年在國際學校讀Grade8的大兒子明年就要飛到澳洲升學,縱使萬般捨不得,心裡還是最明白父母要學會放手,才能讓孩子看得更多走得更遠:「小朋友幾大個,都係媽咪心目中嘅寶貝,但係要放手時冇得唔捨得,總有一日需要接受生命雖然係你俾佢,但係佢哋始終都係一個獨立個體!」

 

國際視野國際學校
生長於同家庭、父母用同一套教育方式,不過哥哥Achille和弟弟Atilla性格就是不一樣:「哥哥大個仔,貪玩啲、重朋友多啲,鍾意睇書彈結他,比較享受獨處喺自己世界。細佬呢就體貼啲、貼心啲,凡事會企喺別人角度諗多啲,目前都係擺阿媽喺第一位。我幾開心自細擺佢哋喺國際學校接受教育。講真,我都理工畢業接受高等教育,但係事實就係,從小到大學接觸嘅嘢始終太本土,目光比較狹隘。兩個仔呢自細圍繞住佢哋嘅世界多元化啲、國際啲,接受嘅教育方式都開通啲、靈活啲。所以佢哋接受程度更高、容易接收新事物、思想冇咁保守,亦都自然識得尊重同欣賞唔同嘅人與事,做人懂得變通、處理事都相對靈活,天馬行空得多,我喺佢哋身上都學唔少。不過傳統教育評分有一套標準,國際學校功課考試往往冇絕對對同錯,兩個仔有時好俾心機完成一個project,但係分數未必最好都幾打擊自信。呢個時間又要趁機教育,完成工作係想滿足自己定得到認同呢?付出同收獲不成正比,其實都係上咗一課,重點係做人要向前看,於其停低腳步鑽牛角尖,不如下次做得再好啲!」

image2image1
識放識收保持溝通
今年Grade8,明年就要去澳洲升學,雖然每周能到住在當地的爺爺嫲嫲家度周末,不過平時住宿舍始終也是14歲的Achille第一次離家自己生活,做媽媽的怎麼會不擔心?「時間過得太快,但係都唔到我唔捨得,要教嘅道理、要培養嘅獨立好習慣前幾年要做嘅已經做齊,呢個時候就要接受佢已經長大,佢嘅人生要靠自己去揣摩,跟住媽咪咪就係永遠都係跟住媽咪嗰一套囉,點會有得大?哥哥大個仔,都有自己朋友想有自己世界。我都後生過、一樣鍾意群朋友,一味禁止唔係辦法,我唔想俾個仔太多壓迫感,俾佢適當嘅自由,但係自由背後要有底線、要有交待,應承咗報平安、應承過幾點會返嚟就要講得到做得到。要相信呢個自己一手湊大嘅小朋友、相信兩母子之間從小建立嘅感情,所以朋友佢珍惜,但係媽咪一樣都係佢好朋友,一個星期總有一日哥哥會想黐住我瞓、會同我pillow talk傾吓心事,我諗呢種感情就算佢離開身邊、去咗第二個國家,只要大家有心維繫,一樣唔會變。」

image3image4 image5
預告:課外活動學甚麼,歐陽妙芝和大多家長一樣,讓孩子自己選擇。沒想到細仔Atilla學似媽媽一樣跳芭蕾,而且青出於藍出色得多!

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest