教養之道
原生家庭影響深遠 鄺文珣(下):一代要比一代好!

話說結婚頭五年,尋求宗教和專業幫助以前,鄺文珣和另一半的夫妻生活並不是一帆風順,說到底,原生家庭影響深遠。丈夫應德榮和父親欠缺溝通相處不融洽,帶著一肚子抱怨長大,即使有了家庭做了爸爸,也找不到渲洩出口,拿妻子孩子做出氣筒。兩夫妻一起努力終於雨過天晴,鄺文珣說被上一代影響的不止另一半,:「上一代嘅教育有利有敝,唔係絕對無可取之處,所以我哋要識取捨,應該一代比一代進步做得更好!」

26195463_387373931688883_9140869940972423526_n

42438153_531899123903029_1897206987309973504_o

玩樂背後學問多
兩個兒子入讀私立小學,鄺文珣說對孩子們學業方面的要求,能做得到盡量配合學校的要求和進度,但是絕對不會填鴨式強求名列前茅:「學習方面有責任感就好,我哋從來唔Push佢哋,放學咁多年都未試過補習,有時間寧願帶佢哋出去走圍走、見多啲。兩兄弟好受我同老公影響,哥哥似老公打籃球踢波鍾意體育運動,細佬就由細到大聽我彈琴唱歌,節奏感一流。小朋友嘅時間理應係喺公園、球場上度過,不過唔係玩咁簡單,而係通過玩,從中灌輸正確價值觀。唔係話依家鍾意踢波將來就要做足球員、依家鍾意音樂第時就一定係音樂家,而係通過玩樂同學習,佢哋從中學識咩叫team work、咩叫責任感,輸嘅時候如何面對,想贏背後就要努力耕耘同付出,態度正確,將來自然可以放手俾佢哋行自己條路。」

48356613_580309192395355_2876660354878799872_o

51791375_603557456737195_2203448003874783232_o

夫妻倆互相扶持
鄺文珣不諱言,和另一半的婚姻生活並不是一直融洽和無風無浪,可幸的是有宗教支持,也有丈夫願意走那一步一起努力,才能雨過天晴走到今天:「佢自細同爸爸關係有芥蒂,帶住一啲情緒,到自己有咗家庭都唔太識處理。其實我都受媽媽影響,由細被過度保護,從來唔識亦都唔敢幫自己做決定。所謂parenting,就係我哋因為父母教導成為今時今日嘅自己,到咗我哋自己做父母,亦要識得從中學習做得要比上一代好。老公好盡力參與家庭、同仔女建立關係、又願意輔助配合我倆公婆保持溝通。而我呢,細個受到嗰套管教太過嚴格,所以依家盡量提醒自己,小朋友要有適當自由,做父母唔應該過度欺壓,有啲嘢要願意放手俾佢哋自己做選擇,做人先至會勇敢探索、勇於承擔後果。」

59648898_643671312725809_2390898677527871488_o

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest