教養之道
不比較不追求完美 余思敏(下):家長都該學習享受過程

一對兒女,一個七歲,一個四歲。余思敏說,做了媽媽七年,成長學習的除了兩個孩子,其實還有自己:「以前我係一個好急燥嘅人,凡事都想做到最好,最重視個結果。做咗媽媽之後,你會明白小朋友學習的確有個過程,好多嘢根本就急唔嚟。呢幾年我邊教養小朋友,邊喺小朋友身上反省及檢視到自己嘅不足,其實爸爸媽媽喺小朋友身上都學到好多,慢慢識得調節自己、完善自己,令自己變得更好。」

29594907_1728935947128478_3713857249402970920_n

35415570_1758906310838419_6301896515740762112_n

 

喜愛就好從不催谷
七歲的Emma去年升讀小學,四歲的Evan則還在就讀幼稚園,當年幫女兒選學校,余思敏也是一心一意放眼在Happy School,希望女兒能常保一顆求知心,而不是只求結果和分數:「佢間學校唔會將分數名次放到最大,小朋友功課我會跟,不過只確保佢冇甩漏、上堂真係學到嘢,一定唔會幫佢改到完美再交俾老師。我幫佢執錯處完成一份100分嘅功課好簡單,但係會令到佢失去自己改正做好嘅機會,同埋令佢有個錯覺,以為學習同功課係媽媽嘅職責。返學以外,細佬學游水學體操,都係想俾佢多啲郁動,家姐就係跟返自己興趣,學琴、學跳舞、學畫畫。我從來唔逼Emma定時定候練琴,從來唔會set個三年定五年計劃,要佢考級,就係唔想強加個目標俾佢造成壓力,反而希望佢真係享受呢個興趣自己樂在其中。有時佢自己鍾意一首歌,可以坐喺琴邊一彈就係兩個鐘,喺冇壓力之下,自己保持一顆求知心同做得更好嘅動力,我諗呢個至係學習嘅意義!」

49097786_2092499844105418_6607430915696099328_n

52179368_2165546003467468_6446168921094488064_n

盡責完成就會獎勵
至於當今港爸港媽常常掛在嘴邊甚麼贏在起跑線那一套,余思敏也說從來不信奉:「根本就講唔通,人人條路都唔一樣,又點會企喺同一個起跑點起步?又點會喺同一個終點論輸贏呢?今日做唔到,咪俾夠佢時間,繼續努力囉,今日人哋贏,唔代表自己學唔到嘢,人哋就會贏一世。我同老公唔注重結果,希望佢哋享受過程,亦唔會追求成績標青,反而希望佢哋有禮貌懂規矩,同埋擁有更好嘅態度自己處理問題。喺我屋企,攞咗一百分唔會獎勵,只要盡咗責任完成事情已經會有獎勵;小朋友有時要求爸爸講故事陪上床傾吓心事,我亦都好鼓勵,因為我有我嘅一套,爸爸有爸爸一套,條路仲長,我都希望佢哋聽多一種意見,知道一件事處理同面對可以有唔同視野同解決方式。作為父母,我哋嘅期待並唔重要,只想佢哋健康快樂咁成長,然後將來無論面對乜嘢困難,永遠都知道我哋係一家人,爸爸媽媽永遠都會喺背後支持你、陪你哋一齊度過!」

19260701_1465807630107979_3460352724362637544_n

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest