教養之道
Trouble2名不虛傳 張嘉兒(下):俾佢選擇好過樣樣Say No!

兩歲半的Leora今年初開始入學,讀幼稚園學前班。新學校新朋友新環境,加上步入兩歲開始有主見有情緒,讓張嘉兒真正見識到甚麼是Trouble2:「我諗生幾多個都好,我同先生都好一致,會係同一套教育方式。唔好鬧、唔好打,與其樣樣Say No,不如避免負面情緒俾佢有多個option自己選擇、自己承擔後果。想教好佢,想佢有好習慣,就應該由自己做起,俾佢見到一個好榜樣!」

image2

image1

Trouble背後有原因
今年初,Leora正式入學開始讀學前班,張嘉兒說新環境加上步入人生第一個反叛期,本來乖巧又聽話的Leora果然狀況連連:「入學之後明顯曳咗、難控制咗,試過返學打人、食飯當啲食物同湯係玩具、見人唔叫人話係突登喎……遇到呢啲情況,唔好鬧唔好罰,我偏向係要瞭解個原因,同埋俾個機會佢去表達自己,點解要咁做先?打人,我堅持要佢負責任,向同學say sorry,同埋趁機教育佢,當有壓力嘅時候學識渲洩,可以打波但一定唔係打人囉。冇禮貌,OK,我同爸爸做多一步,每日起身、見面、講再見,特登大聲啲誇張啲,俾佢見到咩叫入屋叫人、點解要唔該人哋多謝人哋。唔好以為佢細就唔識講道理,當佢反抗嘅時候,我會俾其他Option佢可以自己衡量自己選擇,當佢講唔通嘅時候,我會不厭其煩話俾佢知應解點做、點解要咁做,我相信係啱嘅,講得多,有一日佢一定會明、一定會入腦。」

image4-(1)

image3

讓孩子保持好奇心
兩公婆都係基督徒,所以張嘉兒和另一半Nathan給Leora找學校也是就近的基督教幼稚園,不求名牌效應、不求過度教學,只求孩子能開心學習享受上學:「成日聽到身邊媽咪話小朋友返學冇咩學到,所以轉校喎……我想話,佢哋都係得兩歲啫,返學本來都係去玩去識朋友同學喺群體生活。作為父母,我哋要幫小朋友嘅未來鋪好一條路,但係講緊唔係一日兩間幼稚園、放學琴棋書畫學多國語言,我覺得應該係營造一個好嘅學習環境,幫佢哋培養好嘅學習態度。首先,唔好依賴電子產品,另外,亦都要明白佢哋只係小朋友,唔好過度比較俾佢哋太多壓力。你想佢喜愛學習,做父母就唔好睇小佢哋嘅求知慾,我個女好鍾意問問題,永遠唔好敷衍了事,以為佢細就Hea答。Leora問親我,我都會好認真解釋、唔會講BB話,我諗咁樣至係溝通、至可以令佢永遠保持一顆求知同求真嘅心!」

image5-(1)

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest