教養之道
歧視眼光全球通用 喬寶寶(下):學會扭轉成為優勢!

時代進步,人人講共融,其實歧視還是無處不在,即使是在已經是第三代人定居香港的喬寶寶身上。喬寶寶說,作為少數族裔,去到哪裡都少不免遇上歧視眼光:「呢樣嘢地球上邊個角落都存在,但係問心講句,香港人係最友善最包容嘅一群,尤其係年輕人教育程度高,一直對事不對人。當然面對歧視唔會好受,但係我一直都教個仔,無論去到邊,勤力就一定有回報,正直就肯定唔怕被睇小,外來人都可以好似我咁,將佢變成優勢,肯捱一定有機會!」

WhatsApp-Image-2019-04-18-at-4.21.15-PM

WhatsApp-Image-2019-04-18-at-4.21.16-PM

有樣學樣肯做肯捱
小兒子Arvin今年16歲,大兒子Inderpal大學讀IT,畢業以後現在大公司身居要職。兩公婆這些年來把關注都放在Arvin身上,難得Inderpal還是勤奮又生性,其實都係從爸爸身上有樣學樣:「印度人同中國人一樣,家庭觀念重、男人要有責任感。我屋企五個兄弟姊妹,爸爸一個人打三份工養我哋一家七口,所以我自細都知勤力就會有回報。仲記得第一份工係做麥當勞洗廁所,一個鐘五蚊、執嘅衛生巾多過我一世人食嘅漢堡包。長期清潔洗廁所,同事嫌我臭,經理話每餐送多一個包俾我叫我喺廁所開飯,我覺得都叫做公平,一樣接受。凡事都係咁,要正面思維,唔好怕辛苦。咁多年事業高高低低,13年事業最高峰期,為咗老婆同個仔移民,為咗頭家,其實全部我都覺得值得。我諗係有樣學樣,所以大仔都好生性。我同老婆花咗好多資源同精力照顧細仔,對佢其實好內疚,預咗佢會埋怨,但係呢個仔從來唔會怨,仲做埋我嗰份,讀緊大學時,一個星期有三日返鋪頭幫手,收銀洗碗做埋樓面、平時幫媽咪照顧細佬同時又兼顧到學業,講真,後生仔咁樣邊有時間玩同識朋友?Inderpal同我一樣擺屋企人喺第一位,知道爸爸搵錢辛苦,我覺得好自豪、好安慰。」

WhatsApp-Image-2019-04-18-at-4.21.59-PM

WhatsApp-Image-2019-04-18-at-4.22.14-PM

開明爺爺明年抱孫
長子去年娶妻成家,喬寶寶才49歲,又升級成了新老爺!下一步,佢話最恨就係抱孫做爺爺:「唔關經濟問題事,印度人樣樣親力親為,自己細路自己湊,唔鍾意請外人幫手。我啲細路係我媽咪湊大,第時抱孫,我覺得都係我同老婆責任要幫手湊大,不過我心急都冇用,成日催個仔,佢話俾佢同老婆過多一年二人世界先喎。自己教仔養仔嗰套都好嚴,希望小朋友勤力、勇敢、識得體諒父母,知道搵錢辛苦。呢個仔我養大,我對佢梗係有信心,到佢做爸爸,我諗我會專心玩個孫,唔會插手指指點點。將心比己,自己個仔自己點教點打都好,人人都有自己嗰套,嚴格啲都有自己道理唔會心痛。但係人哋叉隻腳埋嚟鬧你個仔、教你個仔,你都唔鍾意啦!做爺爺,就係做爺爺,教仔女嘅主權,都係交俾人嘅父母自己決定最好!」

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest