教養之道
長年力抗兒子先天頑疾 喬寶寶(上):勇敢面對上天考驗!

阿爺嗰代已經在香港落地生根,所以喬寶寶在香港出世、成長、結婚、生子、發展事業,比很多香港人更地道更土生土長!90年結婚,長子Inderpal隨後出世,本來以為下半世都離不開這片土地,卻因為沙士來襲、其時在懲教署工作享有回歸前公務員福利,喬寶寶03年把老婆孩子送到蘇格蘭,次子Arvin亦在當地出世。陰差陽錯,Arvin出世第二年就被發現行路不穩、發展遲緩,兩公婆勞心勞力奔波求醫許多年,這才確診是先天性痙攣,恐怕一輩子都不能像別的孩子一樣擁有正常生活。

WhatsApp-Image-2019-04-18-at-4.21.10-PM

WhatsApp-Image-2019-04-18-at-4.21.18-PM

生得佢出就要照料
喬寶寶說,生下長子Inderpal本來已經心滿意足,是聽太太話才決定追多個。Arvin出世第二年發現他走路不穩、發展也比別家孩子慢,當意識到事態嚴重時,兩個字,只有面對:「雖然生多個係太太決定,不過個仔自己都有份,唔通怪老婆咩?一定係兩公婆一齊拍住上去面對。所有嘢都係陰差陽錯,97前入職公務員有居英權、為避沙士Arvin喺蘇格蘭出世,結果發現佢有呢個病,中醫、西藥、周圍求醫乜都試齊,反而係七年前喺蘇格蘭至真係確診知道咩事,呢幾年老婆同大仔留喺蘇格蘭照顧Arvin,我就為咗搵食兩邊走。當你係特別病童嘅家長,就會知道呢啲嘢其他國家真係做得好過香港好多,無論人手、資源都差一截,醫藥費政府包晒,特殊學校平均一個醫護人員對四個小朋友,比起香港一對十幾甚至廿幾照顧護理安全放心好多,經濟壓力亦都唔算太大,家長可以做嘅,就係預咗要照顧佢一世,同時希望有奇蹟出現!」

WhatsApp-Image-2019-04-18-at-4.21.18-PM-2

WhatsApp-Image-2019-04-18-at-4.21.20-PM

難得長子生性懂事
患有先天性痙攣,直到十九歲前每隔兩年要做手術,每星期做兩次物理治療亦要長期吃藥,而本來就有過度活躍和專注力不足,身體狀況和西藥又對Arvin情緒有直接影響,怎麼和太太、長子分工合作教養好次子,喬寶寶說一點也不容易:「返學有校車接送,特殊學校亦有醫療團隊,政府相關單位每個星期都有護士上門跟進情況,呢啲嘢都唔算太頭痕。反而係佢情緒大起大落、專注力同學習能力都比同齡小朋友爭幾年,我哋最緊要係照顧好佢心理情緒,保持佢心境平靜開心,做嘢同學習進度就自然都會快小小。呢個仔幾歲開始就要食藥打針出入醫院,情緒亦難控制,我同太太都好錫佢、希望盡量滿足佢,醫生都唔建議我哋對佢要求太多、俾佢太大壓力。怕縱壞佢又想教好佢,所以屋企有個獎勵計劃,做得好有分加、儲夠分就可以得到佢想要嘅嘢,都係想佢有動力做好啲,凡事正面有目標。我成日返香港做嘢,大仔每個星期車佢去做物理治療,同佢傾偈又幫輕媽咪,好彩都有哥哥,咁多年嚟幫到手亦冇怨言,仲可以做Arvin嘅好榜樣!」

WhatsApp-Image-2019-04-18-at-4.22.06-PM

預告:其實不論印度、香港定蘇格蘭,哪裡的父母都一樣,希望孩子入屋叫人、入廟拜神,愛護家人,工作勤奮,還有,是像爸爸喬寶寶一樣為咗頭家,遇到困難永遠不會逃避。

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest