教養之道
傳統一套有利有弊 陳智燊(下):應該俾佢駁吓嘴!

雖然在英國出世成長,父母的教養方式則非常傳統,加上家有四兄弟,父親自然總是板著臉保持嚴父和權威形象。Jason說因為教養有方,所以一家和睦、兄弟間也感情深厚,父母的那一套固然有可取之處,不過絕對權威、大人說話小朋友不能插嘴,放在現今的世代,倒也未必適用:「喺我屋企,我覺得小朋友都一樣應該有發言權,良好溝通同關係因此建立,同埋吓吓叫佢哋唔出聲,小朋友又點會夠膽發表意見同發揮創意呢?」

image1

有共識不能縱
作為新手父母,Jason和Sarah都愛看書、閱說育兒專欄還有和朋友前輩分享吸取資訊和意見,有時候資訊過多當然要學會消化和過慮,知道甚麼才最適合自己和孩子:「人人都有一套,每個父母做法又有唔同,簡單如小朋友喊應唔應該抱,講法都有好多種。喂,嗰個係我個仔,抱上手梗係好冧唔捨得放手啦,我就覺得BB仲細,俾佢感覺到父母的愛係應該,錫佢就梗啦!不過我同Sarah都好清醒,知道錫佢唔等於縱佢,生個仔出嚟一定要教。做咗爸爸後,特別覺得時間過得好快,由佢啱啱出院、細細粒咁小心翼翼幫佢沖涼,到佢話咁快大大隻,每日都有改變、每日都係挑戰,來日方長,享受目前細心感受呢一刻先啦,要教要培養,仲有十幾廿年大把時間!」

image2

心地好最重要
未出世已經要報定幼稚園做好升學計劃?今時今日香港地爸爸媽媽都變緊張大師,Jason話老婆做足功課胸有成竹,同時夫妻兩人亦有共識,性格和品行對孩子而言,一定比學習成績更重要:「時代唔同,依家工種去到佢長大時係唔係仲吃香真係冇人知。做律師醫生當然係專業人仕受人尊敬,但係我覺得行行出狀元,一個汽車維修師傅、一個廚師,佢喜歡呢份工作、做得開心而又幫到人,一樣可以係一個好選擇。我希望阿仔未來做咩都好,透過工作得到喜悅同成功感就夠喇!同埋禮貌、規矩、待人處事當然要教,但最重要一定係善良,一個人有愛心,我諗一定唔會太差。小朋友未來條路好長好多未知,前排我帶佢出街,坐喺咖啡店望住佢瞓喺BB車入面,喺度想像緊有一日佢大個仔,兩仔爺一人一支啤酒吹水個畫面,好期待!」

image3

image4

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest