教養之道
退出幕前湊仔湊女12年 劉曉彤(下):叫我少奶奶難聽過粗口!

有得揀,邊個港爸港媽唔想親自湊大教大兒女,又點會想將寶貝仔女全日交付外傭姐姐手上。不過有條件可以留在家中做全職媽媽,亦唔代表就係幸福少奶享盡清福:「我聽親人哋話我唔使做、少奶奶就想講粗口,呢啲說話真係難聽過講粗口。老實講就算有工人姐姐幫手,但係屋企事無大小,買餸煮飯送出送入跟功課傾心事,小朋友出水痘嗱嗱聲隔離同照顧,全屋有邊件事唔係要靠媽媽去解決?不過嘈完忙完一日,個仔讚一句『媽咪,你煮飯好好味呀!』,個女攬住我錫一啖,都係心甘情願甜晒!」

15470781

超人媽媽全年無休
三個兒女如今都在傳統小學上學,功課繁重課外活動亦不少,劉曉彤說好在自己企得硬,這麼多年來都沒有被時勢所逼做埋怪獸家長:「我最近煲緊個韓劇《天空城堡》,其實唔止香港有怪獸家長,呢個現象全世界都有。我哋作為家長,當然想提供一個最好的學習環境同機會佢哋,但係望佢好唔代表要谷佢哋曬佢哋,每個人能力唔同,唔係個個都谷得!我希望啲家長可以諗清諗楚,生兒育女係想當佢哋係自己Trophy,定係想佢哋真係有能力有個性搵到自己立足之地呢?仔女考一百分就係人生勝利組咩?我唔覺喎!我最唔明係父母用晒時間精力谷仔女,但係最基本禮貌規矩冇樣識、行出街唔識叫人唔敢望人,仲要幫佢哋解釋:『係呀,佢係怕醜架!』乜呢啲嘢唔係更應該要從細教起咩?」

image2

特別關照內向二女
教仔教女很有自己一套,劉曉彤作為媽媽也盡力保護兒女,出世至今,都沒有讓孩子樣貌姓名在媒體曝光:「始終嗰啲係我工作、係我過去,佢哋有自己私隱同人生。三個仔女慢慢長大,性格特長都各自唔同,哥哥似我,好嘈好癲好玩得,妹妹呢就最sweet識哄人開心,係二家姐雙魚座,性格好內向又敏感。再加上佢又排行第二,通常幾個仔女排中間嗰個都容易被忽略,所以我特別留意佢、特別關照佢,最怕佢覺得哥哥係大佬、細妹最多人錫,自己冇人理囉……我成日捉住家姐仔傾偈,成日都會讚佢好靚好乖好懂事,佢好介意別人睇法、唔敢出聲又自己收收埋埋自己傷心,我就會鼓勵佢要放開啲,有時俾人知道自己感受並唔係一件壞事。做媽媽實在多學問,總括嚟講都係重在身教、潛移默化,你點做人點對長輩,仔女咪就係學晒你囉。」

小朋友要BLUR眼晴

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest