教養之道
原來是暖男 少爺占(上):教定個仔照顧媽媽!

剛過去的周日,是少爺占的42歲生日,占嫂失驚無神叫齊朋友訂埋蛋糕,為少爺占悉心策劃一場又驚又喜的生日派對。話說少爺占與太太Tina結識於幼稚園,中學拍拖、06年結婚、14年生仔,平時無厘正經,少爺占對著老婆倒是痴心情長劍,兒子中文名「甄和天」寓意自己(少爺占原名甄子康)和天娜(Tina),唔敢生多個係怕辛苦老婆,連四歲多的囝囝Timmy亦已經耳濡目染,被爸爸教育定:「唔係只等媽媽照顧,你大個仔,都要學識照顧媽咪、錫住媽咪喇!」

65b3f1d3jw1f36tq5dz1lj20u00u041u

65b3f1d3ly1fycat63xojj20u011i0vz

揀學校有段故
Timmy下個月就滿5歲,如今在港島區的國際幼稚園上學,如無意外小學也會入讀國際學校。從來今朝有酒今朝醉,做人沒有甚麼長遠計劃,少爺占說是成為爸爸以後才學會看遠一點、計劃長久一些:「我自細喺鯉景灣長大,係太太有咗BB,至想俾囝囝第時大個有得玩、俾屋企隻狗都多啲空間,所以換樓搬屋;我哋以前讀書邊有得揀,但係到我自己有能力,就會想像個仔五歲、十歲、十五歲會係點樣,所以幫佢揀國際學校。講真,我哋細個就興背書啫,依家個世界無論任何資訊一google就搵到,你再識背書會快得過電腦咩?所以寧願佢喺學校係訓練右腦、開發創意、培養世界觀,咁至可以變通,可以應付未來挑戰。」

65b3f1d3ly1fzu99esvooj20u011ijus

65b3f1d3ly1g09j9ligljj20u00u076h

幽默感一定要
爸爸八足咁多爪,尤其係個扮嘢搞笑能手,生在甄家,少爺占十分自豪地表示,兒子Timmy亦深得自己遺傳:「我成日見人哋小朋友會話好嬲會發脾氣,會抱怨唔鍾意呢樣又好憎嗰樣,好開心,我個仔從來無呢樣嘢,同我一樣古靈精怪笑口常開,面對任何事都好,都見到正面一面,四歲人仔句口頭襌就係:『你話係唔係好搞笑!』有幽默感、諗嘢正面呢樣嘢,我覺得對做人嚟講好重要,最基本,佢唔會有煩惱唔會記仇,每晚上床瞓都瞓得冧過人,醫生都話小朋友睡眠時間長、睡眠質素高,精神好啲、人會長高啲、學嘢都快啲啦!返學以外,我俾佢學捉棋,練吓啲專注力;學劍擊,運動吓身體又可以搵到啲brotherhood同團體榮譽感啦,仲有就係學日文。佢好細個跟我哋去日本旅行,就識得話好靚、好鍾意呢個國家。我覺得識得欣賞靚嘅嘢好可貴、我都想呢個仔長大睇到嘅世界可以靚啲。」

10452380_740995589277284_7941037956298545108_n

預告:當紅DJ以外,少爺占是電台高層、是樂隊主音、寫書寫詞賣衫拍戲樣樣難唔到佢,更是騎呢爆男子組合I Love You Boyz成員之一,今年四月,就唱到入紅館!可以走得這麼遠,少爺占話要多謝爸爸,亦希望自己可以做得像爸爸!

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest