教養之道
人比人何必呢? 黃婉曼(下):應該鬥贏環境同困難!

滿心期待二女出世的同時,大女兒Kyra話咁快又到了適學年齡,陀住二胎,忙住自家麵包學校業務,黃婉曼同時也開始著手鋪路為Kyra找學校。今時今日,人人一不小心就被媽媽輩和社會大環境影響,想給孩子最好的、深怕孩子被比下去,這方面黃婉曼倒是意志堅定:「講到尾,係要個小朋友鬥,定係大人要互相比較唔想輸蝕呢?我想Krya返學學到嘅係自立、責任感同識同人相處,要鬥,唔應該係同人鬥,而係長大以後識得戰勝環境同困難!」

20374460_1858116490870590_29001600589215658_n

Kyra乖巧似足父母
自己讀書時代是中大新聞系高材生,另一半也做會計師是個專業人士,父母都品學兼優,黃婉曼則說,對Krya的期待很簡單,深深知道成績優異並不代表就能在社會立足:「我覺得好好彩,呢個女好乖好聽話,真係似足我同老公細個。不過凡事都有兩面,krya好有主見,知道自己想要乜嘢,就自然好固執容易發。雖然年紀仲細,但我都會教佢,唔係想要就一定得到、適當時要退一步俾多個選擇自己。同埋得唔到發脾氣,就係你唔啱,要知道自己做錯,要識得同媽媽say sorry。我諗佢哋越係年紀細,越唔應該縱容,唔可以要嗰樣就有嗰樣。其實小朋友要求好簡單,專注力又有限,呢樣俾唔到佢,轉移視線、或者適當俾啲威嚴,一定容易過樣樣都滿足佢縱壞佢。好彩,呢樣嘢老公都同我好一致,雖然好錫個女、陪佢嘅時間又有限,一樣可以企得硬,玩時可以好玩得,需要爸爸威嚴時,絕對唔怕同個女say no。」

20479705_1858767784138794_4046649361074892089_n

IMG_3320

教育理念全家一致
人人都說希望孩子有個開心童年,不過當媽媽輩一個二個排隊搬屋為報名校,身邊小朋友個個識七國語言琴橫書畫時,難免怕自己孩子被比下去:「小朋友一日一日大,身邊真係有好多媽媽係緊張大師,時刻mon住名校報名面試時間表,真係搞到我爭啲動搖。好彩自己意志力唔夠時,老公同屋企長輩夠鎮定幫我諗通咗,送個女山長水遠去讀名校、來回車程都兩個鐘,根本精力透支又點會enjoy學習時光。所以我哋住新界,都係送個女喺屋企樓下上幼稚園好過,睇住佢返完一日學,識咗新朋友識唱新歌仔,返到屋企識得自己收好玩具擺好書本,我諗呢個至係返學應該學到嘅嘢。至於大個夠唔夠人哋爭,講真,我同老公都係隨遇而安嘅人,唔鍾意同人爭。要鬥,唔係同其他小朋友鬥,而係將來可以同環境同困難鬥,遇到挫折唔好被輕易打敗,夠堅強可以自己爬得番起身!人一世,唔會永遠都係你贏,父母亦都唔會永遠喺身邊幫你解決問題,所以我希望佢自己夠tough,同埋可以生多幾個,未來條路可以有兄弟姐妹互相扶持同互相鼓勵。」

15232168_1521649244517318_9094806272587628457_n

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest