教養之道
仔女大剩下兩老 麥長青(下):係時候同老婆拍吓拖!

32年演員生涯,總是起早貪黑不在家,難得待在兒女身邊,麥包說時間不多耐性不夠,所以容易發脾氣。結果欲速則不達又總是讓兒女見到自己暴燥一面,好在有老婆在背後善後:「咁多年真係要多謝老婆,教得仔女聽教聽話,我發完脾氣又次次幫我善後,話俾佢哋知爸爸真係好愛佢哋,同埋發火嘅用意。當年我同老婆拍拖八個月就結婚,結完婚又三年抱兩,家陣仔大女大,我成日都話要補番啲時間俾老婆,以後輪到我哋兩個二人世界好好拍吓拖!」

670977f6jw1e58hxw4dn9j20f10qojtz

670977f6jw1elwkzcsmfcj20bu0hsabx

仔女真係唔同教法
19歲的Shannon成績大進又找到自己人生目標,固然讓麥包覺得安慰,最難得的是,姐姐的改變得對小兒子Wayne也是正面影響:「個女外向,仔就性格比較內斂,讀小學時性格好『嗱西』,返學成日甩甩漏漏。我諗都係受個家姐影響,佢中學突然話要做班長,做到之後仲真係樣樣都做齊帶齊,唔再使我同老婆操心。我唔鍾意逼佢,唔會攞佢同人比較打擊佢自信,但係比較同知道係兩回事。我會同Wayne講,每個人都有長處同短處,人哋讀書叻,並唔代表就可以跑到最後贏到最後,你唔使覺得自己輸俾人,但係做人要識得承認別人嘅長處,清晰自己嘅能力同目標,佢家陣都有目標㗎,想做IT,我話買啲工具俾佢,佢都知我搵錢辛苦,話自己識上網搵試用版,幫我慳番個錢喎。我喺傳統家庭長大,觀念都好傳統,覺得女有爸爸有老公錫,仔呢就要更有責任感,因為將來要擔得起一頭家。仔女長大,我哋做人父母、需要照顧呵護嘅責任已經完咗,相比上嚟,我而家更係佢哋嘅朋友同後盾,我成日同仔女講,爸爸媽媽永遠喺度張開懷抱,有能力,屋企就永遠都會有你哋嘅房間,你哋盡情去闖,但係就算失敗就算失意,要記得呢個家、記得我同媽媽一直喺度。」

670977f6gy1fk3uyan19ij20p018gjvy

670977f6jw1dznw6shen2j

衰人我當佢黑天使
入行時從兒童節目主持起步,麥包說那些年,學會了和小孩子相處,也見識了不少港爸港媽的自以為是:「香港好多家長諗法好奇怪,對小朋友諸多要求,你以為咁係對佢好,其實係唔係只不過想自己好,實情犧牲咗小朋友嘅童真?又或者有啲家長以為盡量呵護,就可以永遠保護到小朋友。其實呢個世界唔係溫室,有老虎猛獸㗎,你當佢係小白兔咁養,都唔可以幫佢食埋條菜望佢身體健康㗎?我哋細個就天生天養,自己跌跌碰碰焦頭爛額先至長大成人,今時今日天生天養嗰套未必可行,但路都的確係要人自己去行、去撞。社會係有唔公平,係有老虎猛獸,我成日同仔女講,爸爸行到依家,都係多謝人生之中每一個出現過嘅天使。好人好事嗰啲係白天使,其實遇到衰人都唔使嬲,佢哋只不過係用另類手法鞭策成長,其實黑天使教懂我的事,更加多!」

670977f6jw1enho83j7yxj20qo140q8t

 

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest