教養之道
體驗勝過千言萬語 麥長青(上):一個暑假徹底改變女兒!

做兒童節目出身的麥長青說年青的時候自己是孩子王,到了自己做父母,才知道能和孩子打成一片又不等於就會教養自己的孩子:「細個我爸爸媽媽都冇點教我,由得我焦頭爛額自己碰碰撞撞長大。我唔識講道理,淨係識得做俾仔女睇。前兩年暑假我帶埋個女開工做我助手,你估都估唔到一個暑假對佢改變可以咁大,原來父母囉嗦千言萬語,唔夠佢自己親自體驗生活同社會現實嚟得震撼!」

670977f6gy1fu2pwrnswnj22c03404qj

那年我帶女兒去開工
51的「麥包」麥長青育有一對兒女,兒子Wayne16歲,而女兒Shannon19歲,今年開始已經離開父母去了澳洲升學,學的正是爸爸的老本行,戲劇和電影:「本來個女興趣係想做廚師,仲要做得幾好,識整西式甜品,鍾意鑽研西餐,連意粉都係自己親手製嗰隻。個女想做啲咩,作為父母我冇特別去guide,佢搵到興趣我有能力就會盡量支持。佢鍾意整西餐,我唔鍾意食都陪佢周圍食幫佢試菜,又買部意粉機俾佢,到佢想做幕後,就送佢出去讀書。點解興趣突然轉變?都係因為前年暑假開始跟我開工。呢個女喺我心目中仲係細路女,平時返學鏟極都唔願醒,但係跟我開工拍戲,見到楊怡嘅助手話頭醒尾,佢有樣學樣又幫得手;凌晨四點至上床轉頭六點又要開工,係佢準時彈起床再叫埋我起身。一個暑假,佢唔止變得有責任感,對電視電影製作產生興趣,最緊要都係親身感受咩叫社會現實同人情世故,呢個暑假過完,直頭變咗另一個人。」

670977f6gy1fw5utpgobwj20zi0qok0e

670977f6jw1duoh05s172j

係個女調轉頭激勵我
麥包和太太不是虎爸虎媽,一向認為孩的快樂童年比名列前茅科科一百分更重要,女兒在學校的成績本來一直處於中下遊,正是一個暑假的歷練,突然開竅學習自動波,成績一升成為全級十幾名:「好多道理我哋有細哦到大,比如做人要有責任感,讀書成績唔係全部,不過係步入社會嘅入場券,影響深遠,講極佢都未必上心,有啲嘢真係要親身經歷過先至入腦。連續兩年佢喺片場跟我開工,見到嘅係好多幕後辛酸同唔公平,亦都見到好多人愛錫佢又對我尊重。我成日同佢講:『力賤得人教,口賤乞人憎』,當佢自己做埋一份又睇在眼內,佢就明白人哋錫佢肯教佢,係因為佢做得捱得態度正確,而爸爸唔係咩天皇巨星,人哋對我好又正係因為我平時點對人。成日掛喺口邊,話爸爸搵食忍氣吞聲唔容易,到佢真係跟住我感受埋一份,有一次收工揸車返屋企,Shannon問我點解呢個圈咁唔公平我都仲留喺度,我咪話因為仲有頭家仲有仔女等我養囉。係個女同我講,『爸爸你唔好忍喇,最多我哋跟你一齊食粥』……呢幾年好多嘢我夠膽企硬可以改變,都係多得個女支持,調轉頭啟發到我!」

670977f6jw1dwqaqphjruj

670977f6jw1ekpeefx6n8j20tm18gn6d

預告:女兒生性,爸爸倍感安慰,同時亦讓兒子有個近在眼前的榜樣,變得更自律更有責任感。麥包說小孩子逼不來,該說的該做的從為人父第一天沒有少說少做,終於有一天孩子開竅既意想不到也覺得感恩。

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest