教養之道
離婚對兒子最虧欠 林雅詩(下):應承佢一定唔會再婚!

結婚十年,林雅詩15年與前夫離婚,一度搞到對薄公堂關係冷漠,連帶兒子也因此對爸爸充滿敵意,長達一年多不願與對方接觸。林雅詩說婚前與前度勢不兩立難共處,反而是離婚以後兩人學會為了兒子心平靜氣相處溝通,原來離婚對兩人來說不但是解脫也是一種成長,不一定就是關係的終結。

WhatsApp-Image-2019-01-23-at-15.31.16

離婚後才學會相處
性格不合因而和前夫選擇離婚,處理不當三年前也一度搞到關係緊張對薄公堂,林雅詩說兒子年紀不小,一切都看在眼裡:「我唔想喺佢面前描黑前夫,但係小朋友都識google,離婚初期對爸爸好多誤解,根本不願見佢連電話都唔肯聽。我哋之間婚姻雖然失敗,但真係唔係小朋友的錯唔應該連累埋下一代。我用咗好多時間開解個仔,解釋俾佢聽爸爸其實好關心佢,亦都以身作則想辦法同前夫搵到和平共處方式,呢年幾情況改善好多。Nicholas個個星期會見爸爸,有陣時會有啲Boy’s talk唔話俾我聽……我諗離婚唔一定係負面,我同前夫都因此覺得成熟咗更識得為對方同個仔著想。而前夫以前忙呢樣嗰樣,亦都係離婚後反而更珍惜同阿仔相處時間,兩父子關係比以前更加好!」

WhatsApp-Image-2019-01-23-at-15.31.16-(1)

搵定學校陪仔留學
離婚以後復出幕前再度活躍娛樂版,身邊也常常出現疑似新歡,林雅詩話兒子見到新聞最緊張,最擔心媽媽會被別的男人搶走:「佢好乖好錫媽咪,不過離婚之後都變得霸道咗小器咗,唔鍾意我識男朋友。離婚呢件事我覺得對個仔最大虧欠,既然唔可以俾到完整家庭佢,都唔想私生活對佢有影響要佢從頭適應。所以一方面我會同佢傾,話俾佢知媽咪都需要自己生活、想有人錫,另一方面我都應承咗佢,一定唔會再婚!真架,個仔好sweet話永遠同我一齊生活,又話就算我老咗都唔會送我去老人院。我都同佢講,只要你唔嫌媽咪煩,我一定陪喺你身邊。暫時計劃係呢一兩年送佢去英國升學,舊年就飛咗去大半個月搵學校,工作、男朋友我隨時可以放得低,做好準備第時佢返學我都飛埋去伴讀!」

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest