教養之道
力王愛用BB音唱兒歌 賈曉晨:老公對住小飯兜冇晒符!

媽媽為女兒放下工作,而事業如日方中的樊少皇,JJ也說都盡可能陪在女兒身邊,接戲接劇要求更高。你估都估唔到,平時陽剛味十足、一個打十個的樊少皇在家溫柔到不得了,和女兒的專屬時光就是陪小飯兜唱歌認字,問佢力王唱咩歌?JJ話:「用BB音唱小星星囉!我喺側邊聽都忍唔到笑!」

image1
陪伴就是最好禮物
山東出世、香港長大,賈曉晨說小時候爸爸媽媽忙工作忙搵錢,需要的時候總不在身邊,一直覺得是成長最大遺憾,所以到了自己做媽媽,和另一半有共識,給孩子最好的禮物就是陪伴:「我當然唔捨得掉低個女,其實我老公為咗個女都有減產,劇本會再揀擇啲,So far小飯兜好多重要成長時刻,老公都有份見證。個女好鍾意爸爸,一聽到爸爸返屋企就跳晒舞咁。我老公最鍾意帶住小飯兜一齊唱兒歌、一齊認字。不過我諗除咗爸爸媽媽,小飯兜更鍾意屋企三隻狗,一瞓醒就依依呀呀搵啲狗玩,第一個識講嘅字又係我隻狗既名『Diamond』!我以為我對住個女太『冧善』啦,其實真正對個女冇晒符嘅係我老公至真,完全唔捨得話佢、唔捨得say no,我屋企反而係工人姐姐最有經驗,知道幾時個女係扮喊係扭計,成日叫住我哋兩公婆,話唔可以咁縱個女喎!」

image2

image3
跌倒要自己爬起來
轉眼小飯兜一歲多,又是時候考慮入學計劃。JJ一邊在香港物色playgroup,一邊也在煩惱到底將來為了女兒在北京還是香港定居更適合:「我喺香港大,呢度朋友多,亦都好熟悉。而北京就相對哋更方便我同老公工作,嗰邊空間大啲、國際學校又配套完善…….不過邊度都好,我會揀一間校風好嘅學校,唔使我個女第時學業拔尖、做科學家同律師醫生,但係一定要三觀正確,識得待人處事。呢樣嘢我同老公都睇法一致,只要有正確嘅是非觀、人生觀、世界觀,長大就自然識分是非對錯。同埋冇嘢重要得過尊重長輩識同人相處交流,我哋呢一刻成日心軟啫,不過我相信我同老公都會做到,會捨得放手、俾佢跌,教佢喺邊度跌低就喺邊度爬番起身。未來條路我哋會交俾佢自己揀,爸爸媽媽一定會陪佢追求自己嘅夢想!」

image4

image5

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest