教養之道
14個月人母初體驗 賈曉晨:原來我可以咁愛一個人!

15年JJ賈曉晨與「力王」樊少皇結婚,再誕下女兒小飯兜BOA,去年11月夫妻倆為女兒舉行一歲生日派對,如今女兒即將14個月大,眼大大、白雪雪、漂亮精靈十足媽咪!

做媽媽前把事業重心北移,這些年來過慣了走南闖北長年不在家的趕通告日子,直到做了媽媽,JJ說終於體會到有一種愛可以放下自己、於下事業、眼裡再沒有甚麼比女兒更重要,這就是母愛!

事業心被母愛打敗
國內市場大,演員酬勞也偏高,不過人仔易賺,付帶條件就是長年奔波在外香港的家卻成了久違的地方。本來事業心大過天,女兒出世後,JJ說也想不到自己會為了女兒推掉不少長劇和工作:「生女之前本來好矛盾,唔想放棄事業,但係個女出世之後睇法完全唔同,寧願賺少啲,都唔想錯過個女成長。依家接job一定睇時間、睇地點,最好唔使離開咁耐,或者可以帶個女喺身邊。試過佢八個月大發高燒入院,我每日陪佢喺醫院過夜,第二朝八點又返劇組化妝埋位,好彩劇組都體諒我辛苦,嗰幾日幫我改遲啲通告,可以陪小飯兜耐啲又可以休息多陣。呢十四個月,最長一次離開個女都係五日,其實本來十日嘅工作,原來做媽媽真係可以激發小宇宙超額完成,五日就拍完。不過呢五日都夠晒辛苦,只敢叫工人姐姐每日send相同片俾我,唔敢同個女facetime。因為怕佢見到媽咪會喊,又怕自己一見到個女喊就肉都赤埋,影響工作!」

image1

image2

image3
港媽需要月子中心
新手媽媽總會遇到各種情況,要不手足無措,要不然就是資訊過多身邊人越幫越忙,JJ說好在有月子中心,坐月坐得舒舒服服,還從專業人士身上學到了不少育嬰知識:「呢樣嘢喺台灣同內地都好流行,可惜香港仲未有,其實香港媽媽都好需要月子中心。啱啱生完BB一定覺得好無助,傷口痛、好多嘢唔識、又要餵奶又唔夠瞓,好多媽咪照顧得BB嚟都會忽略自己感受。好彩我搵咗月子中心坐月,BB同媽咪都24小時有專業人士照顧,三餐有食療、沖涼都有人用中藥幫我抹身,遇著有嘢唔明、搞唔掂,周圍都係醫生同姑娘教我點做、幫我手。冇人天生就識做媽咪、初生時期一定有好多嘢都令自己覺得踢晒腳有挫敗感,我諗月子中心除咗真係幫輕咗媽媽好多以外,最緊要係減少咗無助感,心情輕鬆啲開朗啲,咁至係最佳狀態照顧個女!」

預告:從小在香港長大、事業在香港起步,不過這些年兩公婆事業重心放在內地,又見識到內地大城市的優越之處,JJ說目前最煩惱是小飯兜入學成長該選哪個城市!

image4

image5

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest