教養之道
望似爸媽一樣樂觀 董敏莉(下):我有獨特防嬲技巧!

雖然女兒還小,董敏莉說女兒應該怎麼教,早在剛剛懷孕時已經成為兩公婆的常規話題。Monie和另一半一致認為,將來無論如何不會做虎爸虎媽,過度呵護和嬌縱也絕對不應該:「再錫子女,都無得避免佢哋喺成長路上一定會遇到跌跌碰碰,有啲嘢做父母冇可能幫佢哋受,但係可以預先教佢哋應該用咩態度去應對,呢個咪就係半杯水嘅道理囉。我同老公一齊之後,學識佢一個好好嘅招數,無論遇到咩挫折或者係啲幾衰嘅人同事,佢抱怨完最後都一定加『豬豬』兩個字,咁就幾嬲都識得笑番啦!」

量力而為成後盾
女兒未出世已經傾定教育方針同如何分工合作,Monie話女兒出世以後,自己負責生活日常仲有學業,而老公方面則是輔導功課之餘亦會兼顧埋做投資顧問:「香港嗰套教育政策咁多年嚟唔單止冇進步過,仲比以前更死板,我唔係好認同,但係都唔會話佢一定錯。始終個女大個之後,適合傳統教育定國際學校,要睇佢資質同性格,都要配合我哋兩公婆能力。可以俾到嘅我哋一定努力,但條路一定要佢自己行出嚟,唔代表所有嘢就應份要由父母提供。不過一出世就收埋好多大利是,未來年年都會過年過生日,老公已經幫佢儲起夠錢開定投資戶口。希望好好經營呢個戶口,到有朝一日個女長大成人有自己方向,爸爸媽媽可以交呢筆錢俾佢,自己利用佢去達到夢想。」

妄自菲薄不是謙
女兒名字改作「莊子子,可想而知這對小夫妻年紀雖然不大,思想卻很傳統。董敏莉說中國人傳統一套教育方式,有可取的地方,也有不合時宜的地方,要識取捨要懂平衡:「中國人講尊卑,要有禮貌,要懂規矩,呢啲都係基本要由細就教曉個女識。今時今日父母要同子女有溝通做朋友,關係要友好,但係基本規矩同禮貌一定要做足,我覺得為人父母基本威嚴一定要有。同時中國人講面子、要謙虛,係應該,但係我好反感啲父母為咗做到表面謙虛,就妄自菲薄係咁踩自己仔女,唔該尊重番個事實,做得好就要讚,做得唔夠就要夠,爸爸媽媽成日扮謙,話自己仔女好曳、好蠢邊及得人哋好乜乜乜,喂,你講緊嘅嘢俾小朋友聽咗去幾咁困擾幾咁打擊自信,你又知唔知?」

image1

image2

image3

image4

 

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest