教養之道
孕期受難記 吳日言(上):終於捱到女出世!

懷胎十月的複雜心情,相信每個媽媽都經歷過,每個媽媽都懂:期待、焦急、充滿未知和忐忑,百感交集。而35歲的吳日言除此以外又多了一層煎熬,因為妊娠糖尿,孕期試過要住院、全程要戒口、還要為控制血糖每天自己在肚皮打上四針。好不容易捱到上個月寶貝女Beatrice出世,Yan說放下心頭大石,不過又要面臨更大的考驗和歷練!

image1

image2

說好的懷孕做女皇呢?
16年,吳日言和男友Barry結束17年愛情長跑,在沖繩註冊結婚、15個月後在香港補擺喜宴,婚後全力衝刺努力做人,不過一切沒有想像中的順利,先是發現朱古力瘤要治療和調理一番,好不容易懷孕,又患上妊娠糖尿:「以前聽人講,懷孕有得做女皇、萬千寵愛集一身架嘛……點解我完全感受唔到呢樣嘢呢?可能因為老公不嬲都錫我,又唔會因為我陀住個女,錫我、就我多咗,又可能係因為唔好彩患上妊娠糖尿啦。於是成個孕期,我都要跟足營養師餐單食嘢,唔掂得飯、蘋果香蕉都好耐未試過原個咁食,每日定時定候幫自己打四針,痛到個人都麻木,到終於過完呢十個月,真係有一種捱出頭來嘅感覺!」

image3

image4

新手爸媽考驗愛情?
和Bea見的第一面,Yan說因為太痛太累,模糊得很:「嗰日痛咗十幾個鐘,阿女仲突然間心跳下降爭啲要開刀,好彩最後都成功克服臍帶纏頸同埋BB位置各種問題,順產生咗佢出嚟。我仲記得當其時個人搏鬥咗十幾個鐘筋疲力盡、又聞咗笑氣唔多清醒,生完姑娘問我要唔要睇吓個女,我第一個念頭淨係好想瞓,同姑娘講『唔使喇!唔該!』哈哈……呢一覺瞓醒,自己做咗媽媽呢個感覺至開始變得實在。呢一個月,我覺得絕對係我同老公愛情同婚姻考驗同感情昇華,我係全母乳媽咪,冇人上嚟我就成日戴住眼鏡、頭又唔梳、仲要坦胸露背餵住奶咁周圍走……形象係零、完全同拍拖、結婚嗰陣時兩樣嘢。不過愈係呢啲時候,愈係覺得有一種小確幸,有一種三個人一條命,呢個就係我哋嘅家嘅幸福!」

image5

預告:女兒出世,撞正另一半新店開張忙到一頭煙。母乳媽媽Yan說雖然一個月以來沒滿足睡過一覺,不過還是會心疼老公Barry工作辛勤,顧好女兒又學會體諒另一半,對吳日言來說,是一種成長。

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest