教養之道
新手爸媽陳柏宇、符曉薇(下):囡囡出世改變想法!

生兒育女當然不是扮靚曬萌陪玩咁簡單,雖然年紀輕輕,Jason和Leanne這一對小夫妻在懷孕期間已經常常交換意見、制定方案,立志要做一對開明、可以讓兒女有足夠自由的父母。不過到女兒真正出世以後,兩人最近又談育兒大計,發現隨著空想變實踐,漸漸明白給予自由背後,少不了教育和規範。

生前生後大不同
Leanne說從來沒有想過,原來一夜之間成了父母,兩公婆的看法都因此徹頭徹尾有所改變:「我係一個工作狂,就算係當初懷孕,都覺得好肯定自己一定唔會係全職媽媽,成日覺得工作對我好重要,萬大事大不過兼顧自己金融同model兩邊工作,好享受頻頻撲撲周圍忙。真係估唔到,個女出世後所有睇法都唔同,出一陣街都唔多捨得,最近開始同老公商量,由full time轉做part time工作,就係因為唔想錯過個女成長;至於老公,佢以前成日話兩公婆分工角色,佢要做『好人』嗰個,要陪玩、要俾足夠自由,一切都要交俾個女自己選擇。個女出世以後,我哋最近再討論過呢個問題,佢都有改變,知道為人父母唔係自由放任咁簡單。自由要俾、可以俾佢選擇,但啲呢自由背後首先係要有父母教育同規範基楚,咁有朝一日至可以放心俾佢享受自由。」

image1

image2

學習生涯要投入
香港地教育環境夠晒畸型,和不少新手父母一樣,Leanne說囡囡呢頭出世,嗰頭已經有媽咪輩朋友苦口婆心叫佢報定幼稚園:「黐線,啱啱出世咋!雖然好多睇法因為個女出世有改變,但係我哋兩公婆有個宗旨唔會變,就係讀書要讀,但一定唔係唯一出路。攞我自己經驗而言,我讀書生涯轉過兩間學校,第一間精英制,老師錫晒啲好學生,其他人眼不見為乾淨,一味就係罰,我讀書唔叻,一直覺得呢段經歷好痛苦;第二間學校因材施教,校長老師對大家都一視同仁,知道每個人長短不一。我讀書返學因此特別投入有歸屬感,都可以跟番自己意願同興趣打籃球參加田徑隊,至今都回味呢段讀書生涯,也同所有師生保持聯絡。我諗時代唔同,大學文憑並唔係唯一出路,反而係性格決定命運,等囡囡大個,我哋希望做到一對俾到佢鼓勵令佢可以享受生活的父母,仲要最緊要唔好依賴電子奶嘴,不如抬起頭多啲感受吓周圍人同事!」

image3

image4

image5

 

 

相關文章
新手爸媽陳柏宇、符曉薇(上):BB嘔奶點算好?
http://bit.ly/2T1BuOL

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest