教養之道
新手爸媽陳柏宇、符曉薇(上):BB嘔奶點算好?

image1

歌手陳柏宇和model出身的符曉薇去年結婚,剛滿一年已經歡天喜地迎來兩人第一個愛情結晶品、寶貝女兒陳羿辰(Abigail)。榮升爸爸媽媽以後,兩人社交網絡即被Abigail萌照全面侵佔,玩女、曬女係為人父母最大樂趣是常識吧!不過笑容背後,原來手忙腳亂挫敗困難也不少!如何對付囡囡每日飲幾多、嘔幾多,有冇爸爸媽媽經驗之談教下路?
image2

image3
苦樂參半兩個月
十月懷胎、終於等到和女兒Abigail見面那一天,Leanne符曉薇說第一面精神恍忽又不真實,不過日子一天一天下來,才真正感受到「每天愛你多一些」的感覺:「你問我做爸爸媽媽好唔好玩……我諗爸爸Jason會覺得好玩啲,始終係我由朝到晚對住個女,真係有苦自己知。阿女好奇怪,餐餐飲奶都扭計,好唔容易餵完一餐,冇耐又會嘔晒出嚟。出世到依家每日同佢糾纏,真係好大挫敗感,問過醫生,話有啲BB橫隔膜發育未完全的確會係咁,好彩阿女生長發育綫叫做正常,唯有做好準備同佢長期戰鬥。我周圍問人、上網搵資料,換奶樽、小食多餐、埋身餵、掃多幾次風全部試過,情況都係冇改善。最慘係佢用奶樽飲好扭計,飲完十次會嘔五次,而埋身飲乖好多,但係就飲十次十次都係嘔番出嚟,唉,所以每次開飯都要計數同決擇……放心,我同Jason都好樂觀,希望如大家所講,四、五個月大時會有改善啦!」

image4

image5

爸爸找數貢獻大
懷孕期間,望兒女出世健健康康手指腳指齊齊整整,囡囡出世,萬大事大不過食得瞓得又痾得,Abigail飲奶不順利搞到媽媽Leanne頭痛又有挫敗感,好在寶貝女愛笑又鍾意瞓,辛苦過後總有甜頭:「BB出世後,撞正爸爸一年工作最忙時候。Jason要準備演唱會、要出新碟又到年尾有好多頒獎禮要出席,湊女辛苦,不過見到老公捱得仲辛苦,我都好少要佢操心埋一份。不過多謝老公,呢個過程佢都有出唔少力,最大功勞梗係幫我找數請陪月啦,因為BB唔易湊,我哋請陪月留足三個月,真係幫輕我唔少。同埋雖然早出晚歸,返到屋企Jason都會抽時間同BB傾偈玩,同埋好鍾意朝早夜晚喺佢耳邊唱歌俾個女聽。不過唔係兒歌,係陳柏宇自己啲歌囉!」

預告:陳柏宇和符曉薇這一對年輕爸媽一直以為做父母就該開明、放手給孩子自由,可是Abigail出世以後,兩公婆的看法也開始有改變。

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest