教養之道
【星Easy】學科緊要 學做人更重要 郭政鴻(下):等到長大才急已經太遲!

九歲的Kaley現在讀四年級,7歲的Ashley則讀二年班,兩個女兒在九龍塘同一間名牌小學就讀,雖然有得互相照應,不過傳統名校的學習壓力也 是非一般。孩子還小,看著兩個女兒早出晚歸、呻學習辛苦,做爸爸的自然肉赤,不會過份要求施加壓力,也會從旁輔導告訴女兒們學習的真正意義: 「只要盡咗力,我從來唔會要求佢哋攞滿分。始終學校學的不止是知識,反而係一個累積經驗同智慧嘅過程,將來幫到你哋喺社會立足、各展所長嘅, 一定係智慧多於知識!」

image3

image4

不要怕錯 要從錯誤中學習、修正兩個女兒現在每天六、七樣功課,一個星期差不多天天要補習、學習課外活動,這三年來車出車入做司機、看著女兒每天趕功課溫習,爸爸郭政鴻深深 感受到今時今日的小學生有多不容易:「大環境係咁樣,我哋家長可以改變嘅並唔多,所以從旁更需要糾正嘅係觀念。我都會幫小朋友爭取時間玩耍, 但係又要留意佢哋唔可以玩到創晒喎!功課交齊、測驗要溫,呢啲係你哋做學生嘅職責,但係既然盡咗力,就冇需要喺分數上過度要求增添壓力。我成 日同兩個小朋友講,目標要有,但係得失唔可以睇得太重,好似娛樂圈一樣,高低起伏永遠都有,唔好放棄、唔好遠離條跑道,就總有翻身一日。唔使 怕犯錯,做人最緊要係由錯誤中學習同修正,然後向住個目標繼續堅持。同埋唔好成日俾自己被負面情緒控制,盡咗力就唔好諗太多,今天嘅煩惱上床 瞓覺前掉低晒佢,反而經常要抱著嘅,係一顆感恩的心,記住自己擁有嘅愛,記住父母、姊妹、朋友永遠都喺身邊支持你!」

image2

長大才怕識錯人 不如從小學會帶眼識人一眨眼,兩個寶貝女兒愈大愈漂亮,舉手投足、嗲起爸爸上來,少女味十足。有沒有想像過將來有朝一日識男朋友、要嫁兩個女出門有多傷心?郭政鴻 說捨不得總會有,但是到女兒長大成人才教她們帶眼識人?未免太遲:「我諗學校就係一個迷你嘅社會,係返學十幾年過程中,小朋友更加要學嘅係同 人嘅相處、識分辯是非黑白、同埋解決事情嘅能力。有啲嘢由細就要教,教佢哋唔好長大成為一個空殼,教佢哋識得控制情感同累積智彗。女要由細教 起,教得好,到佢哋大個自然就會捨得放手。掉番轉頭講,細時唔教,等佢哋大個無眼光、睇錯人時先至走嚟反對,會唔會太遲呢?」

image5

📣相關閱讀
【星Easy】效力三十年 為兩個女離巢 郭政鴻(上):唔想無心無力應酬個女! http://bit.ly/2R0KdAe
【星Easy】家有三個小寶貝 曹敏莉(上):屋企每日都好熱鬧! http://bit.ly/2PpcC6q
【星Easy】動靜皆宜愛閱讀 曹敏莉(下):冇嘢比身教更有效! http://bit.ly/2QQaZes
【星Easy】產前一心只想回復身型 Coffee(上):生完眼裡只有仔仔! http://bit.ly/2QlH264
【星Easy】有仔趁嫩生 Coffee(下):「半年後就開工追多個!」http://bit.ly/2QquTws

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest