教養之道
【星Easy】動靜皆宜愛閱讀 曹敏莉(下):冇嘢比身教更有效!

婚後息影全心全意投入家庭,曹敏莉是個稱職全能的人妻和人母,也不代表另一半就可以全天候工作搵食,家和孩子理所當然都推到太太身上:「老公同我一樣鍾意小朋友,既然組織大家庭係兩個人共識,陪伴同教養仔女當然兩個人都有份。我哋兩公婆都係嗰啲鍾意睇書嘅人,又唔會成手揸住手機唔捨得放手,有咁嘅環境,小朋友自然有樣學樣又鍾意睇書。」

image2

image3
處女座媽媽 哦出好家教

三個孩子裡,曹敏莉說起大女兒Dora最是讚不絕口:「今年Marco升學同家姐一間學校,我成日聽其他家長同老師同我講,話Dora好照顧細佬,每日落校巴都好細心送到Marco去班房門口先。呢個女喺屋企的確有大家姐風範,又好自律,唔使叫識得練琴、做好自己嘅嘢,亦都有靜嘅時候識得自己坐埋一邊睇書,功課都唔使我操心。點解咁自律?我諗都係我呢個處女座媽媽夠長氣,由細哦到佢大。我諗教小朋友冇得心急、無可能跳step,好習慣都係要由細培養起。佢鍾意彈琴彈Ukulele,作為家長你有興趣我當然全力支持,但既然選擇係自己做,就要堅持就應讓要做好佢。細細個每日練琴練Ukulele,由要我陪喺側邊睇住佢練,到慢慢佢知道呢個係佢職責,自己做完其他事自己識得坐喺度練,唔使我篤促都知道要對自己有要求,呢個就係日久有功。」

image4
各有各所長 夫妻要合作

雖則係全職媽媽,但是不等於家庭和教育孩子的重任就僅僅是媽媽的責任,曹敏莉說可幸另一半一樣疼愛三個孩子,一樣珍惜每個可以和孩子一起共處的時間:「我同先生對於教養小朋友個宗旨好一致,每個人都有長處短處,我中文唔好、又唔係運動型,多得老公一有時間就成日陪住大嗰兩個,唔使返學時朝早帶住佢哋去行山、陪Marco踼波打籃球。爸爸中文叻,會成日睇住家姐啲中文功課,Marco好鍾意數學,每日等爸爸收工,就會捉住佢,呢啲就係每日專屬兩父子嘅Math Time。做咗媽咪之後,雖然好忙、自己淨返嘅時間好少,有時一病三個一齊病,覺得好無力撐得好辛苦。但係見到呢啲時光、見到夜晚三個玩到攰瞓埋一張床,好寧靜咁瞓到三個小豬一樣,就會覺得好有成功感,呢種幸福真係無嘢可以代替!」

image5

image6
📣相關閱讀
【星Easy】家有三個小寶貝 曹敏莉(上):屋企每日都好熱鬧! http://bit.ly/2PpcC6q
【星Easy】產前一心只想回復身型 Coffee(上):生完眼裡只有仔仔! http://bit.ly/2QlH264
【星Easy】有仔趁嫩生 Coffee(下):「半年後就開工追多個!」 http://bit.ly/2QquTws
【星Easy】囡囡升小壓力大 李忠希(上):我嘅工作就係幫佢減壓! http://bit.ly/2QlYqaJ
【星Easy】不求女兒做醫生律師 李忠希(下):只希望她像我一樣做個好人! http://bit.ly/2QlYFTb

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest