教養之道
【星Easy】產前一心只想回復身型 Coffee(上):生完眼裡只有仔仔!

從懷孕到整個陀B過程,Coffee林芊妤一直是個好動媽媽,工作、運動、旅行一概照做不誤,身為瑜珈導師,正是想身體力行告訴所有孕媽媽,孕婦也有孕婦瑜珈可以做,排毒、拉筋、減少痛症益處多多。不過意料之外的是因為胎盤前置要捱一刀還要提早兩個星期與仔仔「Baby Chak」見面,Coffee說重要的事要講三次:「好多人以為我做運動多搞到胎盤前置,我好認真澄清再澄清,每個孕婦身上都有機會發生,並唔關做運動事!」

image1

原來愛佢真係可以勝於自己!

本來以為自己身體自己話事,陀B、結婚、順產然後產後修身,甚麼都可以在自己計劃之內進行,Coffee說懷孕38周因為胎盤前置要提早開刀打亂全盤計劃,誰知道結果又不如意料的失望:「我做咁多運動都係為咗鍛鍊好身體方便順產,產後可以盡快回復產前體質又可以快啲做運動同返工…….點知一開刀就要起碼養返兩三個月身子至可以做番運動,我以為我會失望啦,但係原來產前全盤計劃係為自己,產後見到個仔之後,完全已經將自己放埋一邊。眼裡只想個仔食多啲、瞓多啲,便便暢通,同埋根本唔捨得離開佢、唔捨得假手工人同陪月姐姐照顧佢,呢個時候我先至明,原來呢個世界真係有樣嘢,我會愛佢多過愛自己,呢個就係做咗媽媽以後最大體會!」

image4
湊大兩個姪就等於熟手技工?

和哥哥感情要好,從兩個姪仔出世起就樣樣跟足幫手湊大,Coffee說以為換片餵食甚至送返學跟功課,除了埋身餵奶湊B應該冇嘢難到自己,到自己做了媽媽,才知道24小時on call,最辛苦最精力交瘁又不能假手於人的,正是餵奶:「我個仔喺38周已經7磅幾大,大大隻又食得,依家兩個幾星期人仔已經要食150ml奶。埋身餵比較難控製份量,所以日頭我埋身餵,泵奶就會儲起佢餵夜奶用。依家已經掌握到個時間,BB十二點幾飲完嗰餐,一覺可以瞓到四個鐘,凌晨至醒。我比較幸運,屬於多奶媽媽,頭兩日麻醉藥力未過時唔餵得奶個胸變得硬又開始塞,我又好勤力同埋忍得痛不停幫自己按摩,但係我想話人人體質都唔同,就算媽咪做唔到,都唔應該俾壓力自己,就算要加餐、就算冇得埋身餵,我諗冇嘢緊要得過媽咪心理健康同冇壓力!」

image3

image5
預告:Baby Chak都未滿月,Coffee已經講定半年之後就會開工追多個,都話每個媽媽都有漸忘症,好了傷口就忘了痛,見到寶貝仔,陀B生仔甚麼辛酸就都抛到腦後。

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest