教養之道
【星Easy】囡囡升小壓力大 李忠希(上):我嘅工作就係幫佢減壓!

44歲的李忠希10年與空姐女友Aphina拉埋天窗,兩年後迎來兩人第一個愛情結晶,女兒宇喬。宇喬今年升小,開學不到兩個月,已經每日閒閒地七、八樣功課,個個星期都要應付測驗默書,每天朝七晚九working hour比做電視台的爸爸時間還長……上月中才剛剛滿六歲就要面對繁重壓力,李忠希和每個港孩爸爸都一樣納悶:「童年唔係應該毫無壓力、盡情享樂嘅咩?學習係唔係只有抄寫背誦一種方法?」

一個小學生 足以累倒全家
問到除了宇喬,李忠希和太太有沒有計劃再生一個,李忠希說女兒升上小學以後全家陪著辛苦,太太也都精力交瘁,不敢再生:「我依家先至知,原來幼稚園搵到間happy school都冇用,始終香港地小學都係傳統為主,happy school嗰套根本銜接唔到。個女依家每朝七點起身,三點幾放學,放到學返嚟攰到不得了,惟有俾佢瞓一陣,五點幾起身做功課,有時仲有測驗默書要溫呢?我周圍問過啲朋友,原來宇喬學校每日七、八樣功課已經叫做輕鬆,人哋小一每日十幾樣都係咁做……但係有咩辦法呢?香港教育制度就係咁,不過七八樣功課已經係極限,再嚴重啲,我覺得作為父母都應該同學校、班主任反映,改變現狀。」

太太又飛喇 剩下父女時間
才剛滿六歲不到一個月,面對從幼兒園到小學的環境巨變,學校不再Happy,說好了的蜜月和適應期也見不到,女兒辛苦,爸爸能做甚麼?「為人父母,可以做嘅就係唔好再俾佢哋更加多壓力。依家學業方面主要係媽咪同婆婆跟,我就負責康樂、遊山玩水、安排課餘時間,同埋做司機。見到佢時間唔夠用,我可以做嘅,唯有同老婆商量可唔可以減少課外活動,盡量爭取多啲時間俾佢休息同埋玩。太太係空姐,每個星期梗有幾日飛咗唔喺屋企,好多時周末節日都係真正父女時間。我會盡量帶佢周圍去、俾佢玩到夠,同埋話俾佢知,爸爸媽媽唔使佢科科一百分、唔使佢寫字係王羲之,只求你享受小學生活,同埋真正用個心去學習。」

預告:都說女兒是爸爸前世情人,李忠希也說六歲的宇喬特別黐自己,有時候的舉動體貼又細心,連老婆都未必做得到。

image4

image5

image6

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest