教養之道
【星Easy】江碧蕙(下):賽馬之家就有好勝基因? 冇人可以贏一世!

從香港去澳門再到新加坡,然後跟著前夫一家回法國定居,Samuel和Anthony一直以法文做母語,也習慣了法國的生活和教育。因此當初離婚時,他們已告訴媽媽會選擇留在爸爸身邊。即使不在兒子身邊、一年只能共度暑假和新年,江碧蕙說也從來不會擔心兩個兒子的學業:「我法文始終唔係母語,講唔正所以幫唔到好多,所以好細個佢哋已學識自己溫習和完成功課。另外我都唔係嗰啲要跟功課、覺得學業大過天嘅媽媽,我自己成長讀書唔叻、六、七歲已經開始學騎馬一心入行,多得媽咪從來都唔會阻止我追尋自己夢想,亦都係因為咁,我知道好多做人道理並唔係喺書本課室中學到。」

image1

image2
性格各異 哥哥好勝弟弟內向
江碧蕙有個想法,哥哥Samuel是試管嬰兒,因為是最好的基因所以樣樣比人優勝,早熟、好勝又有計劃;至於弟弟Anthony,習慣被照顧同聽哥哥的話,性格內向但善於聆聽、行動之前會更謹慎更周全。她認為:「所以兩兄弟可以互補不足,哥哥識照顧人但係衝動派,細佬就收收埋埋,但係一出聲就會講重點。哥哥自細樣樣都比人優勝,佢贏慣亦都唔鍾意輸,連搵女朋友都話要搵個樣樣叻嘅女仔。佢啱啱過咗17歲生日,出年考大學已經同我講定二月個試好重要,未必返到香港陪我……我同佢爸爸都係馬圈工作,對我哋嚟講跑二、三名冇意思,唔係頭馬乜都係假。但係你要記住,有得出賽就係一個機會,盡力去爭取,但係永遠都有下一個機會。我都好信命,冇人有可能贏一世,要肯搏唔好怨,心態比輸贏更重要!」

image3

image4
還在學習 與青少年最佳溝通方式
Samuel剛滿17歲,Anthony則14歲,Sherie說和兒子隔天就會通電話、Facetime,盡量不會「敦」起媽媽款,希望永遠能做兩個兒子最好的朋友:「我老公份人好溫柔,成日都提醒我唔好發脾氣,叫我自己照吓鏡,大聲講嘢發脾氣時個人有幾醜樣……其實真係嘅,做人嘅過程就係一直學習,我都學識同兩個仔講嘢時唞啖氣、諗一諗,氣氛平和啲,佢哋更容易聽得明道理、更容易學習同接受。其實兩個仔都大,唔同細個時要打要罵,依家我語氣一變,佢哋都知道自己有錯、會識得收斂,要教要罵係細個時做,兩個仔性格一早已經因為父母塑造成型。我同前夫呢樣嘢好有共識,由細教識佢哋要有禮貌、識尊重人、知道自己嘅職責喺邊,唔好假手於人、唔可以半途而廢。我同前夫都好早出社會做嘢,我哋相信人嘅質地同質素永遠比學業成績更重要,人情世故並唔係書本上可以學到!」

image5

image6
📣相關閱讀
▸【星Easy】江碧蕙(上):結束19年婚姻去年再婚 每一步都係最掛住兩個仔! http://bit.ly/2Rcbakg
▸【星Easy】杜德偉(下):拒擺爸爸款 實踐愛心大使職責 http://bit.ly/2RcbdMY
▸【星Easy】杜德偉(上):兒子喚醒對亡父記憶 當爸後更想念杜爸爸  http://bit.ly/2Rg05yN
▸【星Easy】李樂詩(下):欣賞另一半再忙 都肯花時間投入家庭! http://bit.ly/2RcbjnO

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest