教養之道
【星Easy】杜德偉(下):拒擺爸爸款 實踐愛心大使職責

剛剛推出了新國語歌、又即將會有新國語碟面世,加上年尾的登台演唱會又將會接踵而來,杜德偉說忙到出煙,就連兒子的生日蛋糕也要在演唱會的後台切,不過爸爸在台上唱生日歌給台下捧場的AJ聽,那一刻感覺無價:「再忙都好,好想早啲返屋企攬實佢,想早啲上床,第二朝可以同個仔玩。我希望同佢做朋友、希望呢個家會建基於愛,因為我仲有好多經歷同道理想同呢個仔分享!」

image1

image2

image3

做兒子最好的朋友 拒擺爸爸款
不久之前,兩歲大的AJ在家裡唱歌玩「唱K神器」,而杜德偉亦將父子合唱嘅短片上載到網上和歌迷分享,並很是自豪地說:「我成日都話自己仲未大得透,覺得心入面住了個小朋友,所以唔使擺爸爸款,我淨係想同AJ玩得開心、做佢最好朋友。不過玩還玩,我都有成熟一面,就係知道當個仔有自己喜好時,都可以尊重佢,俾佢好好享受。好多人話我做音樂、會跳舞,個仔就一定都要學音樂、跳埋舞,個仔鍾意音樂固然好啦,我大把嘢可以同佢分享,但係呢方面我好理智、唔會任性,我知道佢係一個獨立個體, 不能隨便迫到佢地。家長應該學會放鬆,俾佢做自己想做嘅事,甚至我會明白到,只要見到佢開心,無論做乜,我都OK!」

image5

image6

image7
分工清晰 兩公婆擔演不同角色
杜德偉說小時候爸爸陪玩、媽媽嚴格,有趣的是,到自己成家立室,和太太在家扮演的角色也一樣:「兩歲小朋友成日會挑戰大人底線,太太教佢鬧佢時,成日都話我角色係去中和個氣氛。我從來都唔想『敦』起個爸爸款去教佢,講真到佢成長時,社會嘅價值觀都會唔同,所以我只會同佢分享自己經驗,希望幫到佢,但係我唔會覺得係自己教緊佢,因為換個角度睇,我喺個仔身上一樣可以學到好多。不過咩時代都好,要有禮貌、做事要用心、識得守紀律,同埋我想佢喺呢個屋企得到好多愛,衡量乜都要用愛,唔係交易、唔係用金錢。人生條路仲好長,作為父母,我冇可能保證小朋友一世唔會遇到挫折、唔會跌,但係有愛做基礎,佢就唔會走得太遠、行得太偏。」
📣相關閱讀
▸【星Easy】杜德偉(上):兒子喚醒對亡父記憶 當爸後更想念杜爸爸 http://bit.ly/2Osra4C
▸【星Easy】李樂詩(下):欣賞另一半再忙 都肯花時間投入家庭!http://bit.ly/2OmujmN
▸【星Easy】李樂詩(上):三個仔三種個性 大仔最好勝要慢慢教!http://bit.ly/2OkfwbZ
▸【星Easy】梁芷珊(下):「才女」身份令女兒有壓力!http://bit.ly/2OwLm4P

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest