教養之道
【星Easy】李樂詩(下):欣賞另一半再忙 都肯花時間投入家庭!

結婚和為人母以後,李樂詩放下事業腳步,把重心都投入在家庭和孩子身上。另一半經商,常年在外,可幸也沒有拿忙碌搵食做藉口忽略家庭和三個兒子,再忙還是會抽空和孩子說說話,一家人出外游水、野餐到處旅行:「我哋點對待家庭、點對待父母,係對小朋友嘅最佳身教。我希望三個仔都知道,屋企永遠係最強後盾,父母同兄弟之間嘅愛,永遠都唔會變質。」

image1

image2

image3

因才施教 最愛國際學校夠靈活
就快兩歲的Theo還沒有入學,不過李樂詩說,兩個大兒子很喜歡現在的學校,自己也欣賞學校的教學態度,所以將來也希望讓Theo跟哥哥在同一間國際學校就讀:「就算係同一個年紀嘅小朋友,大家水平都唔會一樣,好似哥哥依家讀緊三年班,佢數學特別好,學校就畀佢跳級同四年班一齊上數學堂。而如果小朋友有啲科目水平唔夠,老師就會加倍留心同輔導,因才施教,我覺得做教育本來就應該係咁。兩兄弟平時功課唔多,周末我又會畀佢哋玩吓電子產品,乖嘅時候可以玩多一陣,曳呢,屋企就有個Nauthy Corner,係要佢哋罰企。唔使企好耐,基本上冇咗自由要對住道牆對佢哋嚟講已經好唔開心、好冇面,我細個係畀媽咪打大,今時今日我又真係覺得對住小朋友唔使去到咁。」

image4

image5

image6

夏威夷基因 全家都愛水上活動
看李樂詩的社交網絡,不難發現一家五口常常全體出動出海、游水、玩滑板,李樂詩說全家都有陽光膚色、都愛水上活動,都是因為爸爸的影響:「我老公來自夏威夷,由細玩水玩到大,所以影響埋全家人。佢工作好忙,又成日出trip,不過一旦喺香港都一定會爭取時間陪吓小朋友,我哋一家人最鍾意出去picnic、游水family day。我好欣賞我老公一樣嘢,佢話同小朋友溝通嘅時候唔應該擺起個大人款,所以佢好鍾意帶住兩個大仔去游水,因為無論你幾高幾大,游水時大家都會係同一個eye level,自自然然會得到小朋友嘅信任,父子關係一直都可以好緊密、好堅固。」

 

📣相關閱讀
▸【星Easy】李樂詩(上):三個仔三種個性 大仔最好勝要慢慢教!http://bit.ly/2OkfwbZ
▸【星Easy】梁芷珊(上):獨女是GCSE狀元 找對方法就能不勞而獲!http://bit.ly/2IAhv5U
▸【星Easy】梁芷珊(下):「才女」身份令女兒有壓力!http://bit.ly/2OwLm4P
▸【星Easy】林盛斌Bob(上):由朝做到晚 為搵食錯過咗仔女成長!http://bit.ly/2OS59IS
▸【星Easy】林盛斌Bob(下):拒事事幫仔女解決 父母係後盾唔係衝鋒隊!http://bit.ly/2IxtHnX
▸【星Easy】劉小慧(上):大女志願做甜品師 搵到自己條路鄧佢開心!http://bit.ly/2MKa5xy
▸【星Easy】劉小慧(下):細女讀名校爆喊 響呢個警號決定轉校!http://bit.ly/2plnFOm

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest