教養之道
劉小慧(下):細女讀名校爆喊 響呢個警號決定轉校!

結婚生女,至今過了二十年,劉小慧說當然不是第一天就識放識收、有自己一套,過程一樣是跌跌撞撞用了不少時間摸索,說穿了,為人父母也是一個課程、也需要邊做邊學懂得變通:「兩個女都係讀傳統名校,大女中四、中五臨考試前情緒好低落,要帶佢見催眠諮詢師,用咗四個鐘了解佢壓力嚟自邊度、學識釋放同表達自己。細女一入學就迫於無奈放學又要補習操卷,去到一個地步,成日都嗌頭痛,有一日前額痛到喊,我知道呢一個係警號,一定要幫佢轉間學校、轉換環境。」

 

image1

image2

image3
贏在起跑 輸在終點
當初懷孕、生兒育女,劉小慧和大家一樣,都不圖別的,只希望孩子健康成長,開心快樂,不過為勢所逼,慢慢都忘了初衷:「個個都係咁,一入到小學,一見到成績表,就開始唔快樂。講緊係家長唔快樂,強加好多落去,補習、樂器,琴棋書畫樣樣要好,美其名係為咗細路好。個女本來間學校平時教得冇問題,但一去到考試,就叫小朋友用45分鐘做十版八版試卷,喂,唔係人人都係精英,所以放學咪繼續補習操卷囉!大人專注力都有限度、都有個收工時間,小朋友上完一日堂再全副精神攞嚟操卷,所以咪頭痛囉……對我嚟講,最怕贏在起跑線,到頭來輸在終點,講緊唔係成績同仔女成就,而係輸咗父母同仔女之間嘅關係,小朋友喺屋企就係為學業、操卷追分數,父母唔醒覺,仔女無辦法喺父母身上得到認同,最終就係會將佢哋越推越遠。」

image4

image5

image6

人格教育 重於一切
三年級開始,細女Ina轉校到所謂Happy School,剛剛獲老師推薦拿了性格突出獎,父母是一面鏡子、學校就像社會縮影,劉小慧說女兒被讚賞性格、在群體中和每個人都能相處,比成績優異還要欣慰:「讀書係學校同佢哋自己責任,我好少睇成績,最睇中都係品性同品格培養。依家考試變成一種技巧,捉到技巧,就考到好成績,所以依家啲人我成日話,冇智慧!智慧係由裏面衍生出來,智慧唔係輸入進去,知識先至有得輸入。兩個女我由細到大都要有禮儀、要懂尊重、要善良同識得檢視自己。小學就似社會縮影,同同學相處唔愉快,長大就會面對同樣問題。當遇到問題,我成日同佢哋講,首先你有冇檢視自己先?唔好每次遇到負面唔開心,就向外指……唔好先指責別人,觀照下自己有冇不是之處,要改變別人談何容易?改變自己一定容易過改變人,改變自己先,事情就會改變。」

📣相關閱讀
▸【星Easy】劉小慧(上):大女志願做甜品師 搵到自己條路鄧佢開心!http://bit.ly/2MKa5xy
▸【星Easy】岑潔儀(上):湊一個陀一個 為兩個仔讀兒童心理學 http://bit.ly/2xaJOm2
▸【星Easy】岑潔儀(下):唔學奶奶做虎媽 拒讓仔仔讀兩間幼稚園 http://bit.ly/2xay2YT

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest