教養之道
劉小慧(上):大女志願做甜品師 搵到自己條路戥佢開心!

這個暑假對劉小慧來說特別忙碌,找學校、託朋友、睇樓探路來回飛了好幾轉大阪。月底再次出發,這次就是真的要陪大女Yumi(蘇君蕎)開學:先讀一年半日文,再正式入學兩年學做甜品糕點師!19歲的Yumi中六畢業以後成績明明足以進大學,卻說志願是做甜品師、不想在大學浪費時間,支持孩子意向、捨得放手這回事說起來容易做起來難,而劉小慧和蘇志威就真的做到了。

自己女兒 自己最懂
對兒女放手兩個字,老生長談,小慧說,現實中的父母要不從出世到走出社會樣樣代勞,一手製造出下一代的「人工弱智」,要不就是久缺溝通,因為不了解,所以自然放不下心:「我諗現今社會好多父母都仲係好睇重一張大學文憑,其實當人人揸住一張沙紙出身,個競爭咪又係仲喺度?Yumi選擇唔讀大學,唔係因為唔想讀求其塞個原因,係因為佢真係搵到自己出路,為人父母見到個女咁早已經有方向,係唔係應該開心同感恩呢?自己個女鍾意啲乜,我點會唔知?佢十一、二歲開始就好鍾意整甜品,先唔好講佢整得好唔好食,佢讀書考試有壓力會整、放假得閒喺屋企又會整,你見到佢好細個興趣已經喺呢方面,越大目標就越清晰。仲有兩個星期佢就真係要離開放手,我同老公再唔捨得都要放開,畀佢行自己條路。」

image1

image2

image3

父母角色 在於引導
適當時候要放手,前題是在兒女的成長中,父母已經引導、鼓勵早做了該做的事:「其實好多人就算入咗大學、畢埋業,都係唔知想做乜、方向喺邊,邊個造成?咪又係父母!口講就係話為你好,樣樣代你安排,就算佢有意向,你又未必畀,咁使乜用腦呢?我諗好多父母要自省一樣嘢,小朋友嘅命運係你一手建立定係一手摧毀呢?Yumi讀完中六都問過我意見,係出去餅房做嘢定係直接去讀甜品好,係我話畀佢知,做住一年先,唔做又點知自己有咩不足?就算有書讀,係咪係都要識問問題先?咁啱我有個朋友做酒店餅房,知Yumi鍾意整餅,叫佢去試吓,話佢每日企十個鐘、捱到一個星期至算啦……個女由細到大都未試過一日企十個鐘,嗰十個鐘仲要係執頭執尾洗嘢倒垃圾,第一日返嚟話隻腳超痛,不過做得好開心喎!捱到,點解唔畀佢去捱?跟住我幫佢按摩隻腳、買咗鞋墊換咗鞋,唔使一個星期,師傅就話同佢簽約,咁就做咗一年。」

image4

image5

預告:大女Yumi十九歲,細女Ina十一歲,一個內歛一個外向,性格截然不同。兩個女兒本來都是傳統名校生,大女好好醜醜讀到畢業,細女卻因為一個警號,讓小慧決定二年班就幫孩子轉校轉換環境。

 

📣相關閱讀
▸【星Easy】岑潔儀(上):湊一個陀一個 為兩個仔讀兒童心理學  http://bit.ly/2xaJOm2
▸【星Easy】岑潔儀(下):唔學奶奶做虎媽 拒讓仔仔讀兩間幼稚園 http://bit.ly/2xay2YT

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest