教養之道
【星Easy】岑潔儀(下):唔學奶奶做虎媽 拒讓仔仔讀兩間幼稚園

婚後全職湊仔,生活悠遊,岑潔儀試過言論太離地被網友抨擊炫富。炫富的前題,是另一半的確名校法律系畢業、現時營商,家底可觀。雖然命水好、嫁到個成功,又捨得在老婆孩子身上花錢的好老公,岑潔儀卻說希望孩子開心快樂,玩樂為先:「三歲唔係就係玩,做三歲應該做嘅事咩?我唔覺得大富大貴就係成功,好彩奶奶對老公嚴格,但就好唔捨得勞碌個孫,老公又工作太忙,仔仔嘅教育主要都係由我話事同安排。」

image2

image1-(1)

為個仔 和精英老公現分歧!
今時今日,早晚各一間幼稚園,放學再瘋狂補習加操各國語言琴棋書畫又有乜出奇?奇就奇在原來岑潔儀另一半就係咁長大,奶奶正是創先河的第一代虎媽:「講緊三十年前,老公已經要上午返公立、下午再返私立學校,放學仲要去補習喎,聽到奶奶咁講,我都O晒嘴,要寫個服字畀奶奶。老公因為自細喺咁嘅環境大,並唔覺得有乜問題,亦都唔覺得自己童年冇玩過係一種缺失,佢話小朋友好簡單,你點安排佢就會點接收喎。呢點我唔同意,亦都同老公有啲分歧,所以大家要嘗試妥協。的而且確,老公事業好成功、做事好自律,證明奶奶嗰一套有佢道理……但係我覺得教養方式唔係得一種、成功亦唔係就等於大富大貴事業有成,我唔希望佢喺呢種壓力下長大,咁樣做人唔會開心。」

image4

image3
求快樂 只望孩子做喜歡的事!
三歲半的Damian現在在國際學校讀K1,雖然身邊朋友圈也都是同學仔媽咪,Zoey則說有的家長嘴裏說要讓孩子輕鬆學習,身體卻很誠實照樣催谷:「話就話讀國際學校,有啲朋友都係提醒我,學校會排名次、太free將來遲早後悔。我都有幫Damian安排課外活動,不過都係學普通話、Phonics呢啲基本嘢,同埋踢波、音樂玩樂為主。身邊有啲小朋友一個星期時間表排到滿晒、又返兩間幼稚園,真係叻過人……不過我唔明,係唔係制度係咁,家長就一定要跟住個大環境做人呢?點解三歲小朋友,學六歲知識呢啲就叫叻?三歲唔係應該只係識三歲應該識嘅嘢咩?你當我冇乜大志啦,我只希望我個仔童年可以開心,大個可以做到一份自己喜歡嘅職業,最緊要品行好、對人好,同埋識得成日返屋企搵阿媽飲茶,咁就夠喇!」

image5

 

📣相關閱讀
▸【星Easy】岑潔儀(上):湊一個陀一個 為兩個仔讀兒童心理學 http://bit.ly/2xaJOm2
▸【星Easy】鄭文(上):床位學位爭到怕!http://bit.ly/2NQ77sq
▸【星Easy】鄭文(下):人生並非只有儲錢買樓!http://bit.ly/2NT29eu

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest