教養之道
【星Easy】岑潔儀(上):湊一個陀一個 為兩個仔讀兒童心理學

31歲的岑潔儀(Zoey)與馬來西亞商人Dixon結婚六年,婚後育有三歲的Damian,如今又陀住七個月大肚,兩個月後家裏就快又添丁,Damian就快做哥哥!

為人母後淡出幕前,做起全職媽媽,另一半經商總是不在身邊,孩子的生活教育大小事都要靠Zoey張羅,捱過名副其實的Trouble 2,大肚後又發現Damian習慣做世界中心不愛和弟弟分享,於是報名讀為期三個月的兒童心理學課程,趁二仔未出世前,幫Damian做好準備,學會愛護和接受弟弟。

image1-(1)

image2

陀二胎 才知坐月的重要性!
距離第一胎其實才不過四年,Zoey說身體狀況確實和26、27歲時大不同,這一胎陀起上來辛苦得多:「可能要湊大仔,休息唔夠;年紀大咗,抵抗力又差啲,所以今次明顯冇上次咁舒服,Damian之前喺學校感染手足口病,佢病徵好輕好快好番,我就真係成口痱滋、手掌生滿粒粒,又痛又高燒仲唔可以食藥,病足兩個幾星期。陀大仔同陀細仔心態又唔同,上次乜都唔敢食,今次就除咗海鮮,想食乜都照食,我覺得只要係happy mom就可以生出happy baby,孕婦心境健康最緊要。同埋有咗第一胎頭一個月餵人奶唔順利嘅經驗、日日泵奶跑數壓力爆煲,我都會話畀自己聽,唔好畀自己太大壓力,保持開朗、順其自然。仲有,要聽老人家講,上次坐月我堅持三十日冇洗頭沖涼,真係唔會頭痛又冇咗手腳冰冷,唔好睇小坐月嘅重要性!」

image3

image4

未出世 先和哥哥打好關係!
媽媽的肚子越來越大,兒子的接受程度也慢慢轉變,做訪問前一天,Zoey才以弟弟的名義送了架玩具飛機給Damian,讓兩兄弟打定關係做定friend先:「Damian成日錫我個肚、話要同細佬傾偈,仲話細佬同佢say hello,好得意。不過前排老公買咗糖番嚟請Damian食,話明哥哥兩粒、細佬兩粒,Damian話唔分得、全部都係自己嘅……我哋就知道要開始教。始終佢係家族第一粒孫,太多長輩愛錫,圍住佢轉,慣咗做世界中心,並唔係好明分享嘅概念,所以我同老公成日教佢,弟弟係一個伴、係佢最好嘅朋友,唔係同佢爭寵爭玩具。我又去咗報三個月嘅兒童心理學課程,明白小朋友係一張白紙,佢嘅脾氣同情緒直接來自父母。做得唔啱要有耐性、要講道理,硬碰硬,只會令佢有樣學樣,脾氣更爆更衝動!」

預告:媽媽希望孩子健康快樂,總是提醒自己千萬別變成虎媽。問題來了,奶奶係第一代虎媽,老公Dixon三十年前已經一日返兩間幼稚園,結果法律畢業、成為精英,望子成龍是不是只得一條路可以揀?

image5

 

📣相關閱讀
▸【星Easy】鄭文(上):床位學位爭到怕!http://bit.ly/2NQ77sq
▸【星Easy】鄭文(下):人生並非只有儲錢買樓!http://bit.ly/2NT29eu

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest