教養之道
家姐外向、細佬怕醜 【星Easy】鄭文(下):人生並非只有儲錢買樓!

出生年份不一樣、成長環境差得遠,所以也就造就了兩姊弟性格差天共地。鄭文說,所以對住Sabrine和Sansone就像性格分裂一樣,總是叫弟弟表達多些、再放膽些,另外就叫家姐Sabrine收斂一下,要學會靜一靜、諗一諗,「兩姊弟面對嘅嘢唔同,條路亦都有唔同行法,不過最終目的,我唔係想佢哋有競爭力、長大去同人爭啲乜。大人都一樣,冇可能樣樣叻、様様都比別人優勝,重要嘅係搵到自己嘅特長、放大自己嘅優點,做人唔使爭,而係要發揮自己所長,識得認同自己!」

image1-(1)

image2

要爭才會贏?不如找到自己長處
生兩個的好處,正是會互相影響、互補不足:「睇住兩兄妹成長,互相影響,真係好得意。Sabrine本來好自我中心,凡事都愛衝,做咗家姐之後變得識得照顧人;而細佬呢,雖然乜都等家姐出聲代勞,個人細膽啲,不過穩重啲,有陣時又會提醒番Sabrine:『家姐唔好咁快呀!好危險!』Sansone仲細,好多嘢仲係探索當中,Sabrine就好動有創意,特別鍾意畫畫,所以平時學開畫畫、Ukulele,今個暑假我又幫佢報咗劍擊,想佢作多啲唔同嘗試。小朋友本來就有無限可能,興趣同擅長,需要大人從旁輔助去發掘,作為家長,我唔想畀佢哋太多壓力,反而係教佢哋抒發壓力嘅途徑。我好鍾意同佢兩個傾偈,講吓自己每日忙緊乜,又聽吓家姐喺學校有啲乜煩惱,想佢知道同人分享係一種方法抒發,亦都希望佢大個一樣可以有乜事都第一時間同我講,唔好畀事情堆積太久、唔好畀小朋友有機會諗埋一邊。」

image3

image4

放眼世界 人生不是只為買樓!
由出世開始爭床位爭奶粉爭學位,意味著Sabrine未來中學大學、畢業搵工要爭的還是同齡那一批。其實爭乜?爭到尾香港人咪又係搵份好工、儲夠首期,然後一世做樓奴?「我覺得依家香港家長同小朋友思想比較窄,依然只想到香港呢個地區,其實香港地方細、工種又唔多,唔搵新出路、去更大嘅世界睇吓,大方向就係搵工賺錢儲首期,有乜意思呢?我係嗰種媽咪,唔會唔捨得放手,會鼓勵佢哋行遠啲睇遠啲。如果有一日,仔女同我講想去南極、想去世界另外一頭睇吓,我會話:『去啦!』大人細路都係,眼界同眼光都應該放遠啲,畀啲創意,諗啲唔同嘅嘢,做人,唔應該勞碌一世,只為咗喺香港買一層樓!」

image5

image6

image7

 
📣相關閱讀
▸【星Easy】鄭文(上):床位學位爭到怕!http://bit.ly/2NQ77sq
▸【星Easy】布志綸(上):我是一個總在外闖的爸爸 http://bit.ly/2BZsHJK
▸【星Easy】布志綸(下):男孩子一定要能吃苦!http://bit.ly/2wOj2Rb

想知更多育兒資訊 請留意Easy Pama

 

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest