教養之道
布志綸(下):男孩子一定要能吃苦!

樂隊Mr.的路不容易走,不過Alan因為和富家女Sally結婚生子,就一直被冠以「十億附馬」稱號,幾乎否定了他這些年所有努力。Alan說婚後一直與太太經濟獨立、各自為家庭負起應有責任,並對於兒子Adam的成長和管教方針一致,都不贊成驕縱過度:「男人嚟架嘛,點能夠靠老婆!呢啲嘢我永遠都過唔到自己嗰關。同樣道理,我希望都可以滲畀個仔,做男人一定要捱得苦、要能夠獨立。將來條路要靠自己闖,我會支持你,但一定唔會幫,亦都冇得幫。」

image3

image1

image2

成功不能靠父幹 輸贏不過是循環
經歷過事業人生上的高高低低,Alan說其實放在教養孩子身上也一樣,做人就應該要活在當下,輸和贏,不是別人說了算:「老婆當Adam係寶,不過我有時都怕佢太緊張。自己本來冇乜嘢,但被啲家長group影響咗,人人都喺度比較,自己唔做有時怕好似會輸畀人咁。我夾Band大,從來就唔會全盤計劃,從來都係活在當下。身為家長,我更加覺得要有獨立思考,資訊越多越係要過濾同消化清楚,真係搵一套適合Adam嘅先去做。做人唔應該係同人比,應該要同自己比。唔輸又點會贏?唔係想贏又點會有輸先?人生只得一次,唔應該將呢啲嘢睇得太重。其實輸贏本來就係一個循環,我唱歌都經歷過咁多高高低低,學識去接受呢啲都係人生一部份,應該學識去享受高低起伏。」

image4

image5

image6

 

男孩子可以哭 但一定要能吃苦
暫時還沒有生二胎的打算,Alan說兩夫妻暫時對兒子只有一種管教方法,就是要讓他堅強不懦弱,要像個男子漢:「我覺得依家男性感覺太懦弱,坐喺度乜都唔做怨天尤人有用咩?唔係越絕望、越被人睇小,越應該去行動證明畀人睇咩?男仔嚟架嘛,可以失敗、可以喊,不過喊完我唔該你自己要搞番掂佢。我以前一個人喺加拿大讀書,冇錢冇物,行一個鐘雪地為買一包公仔面咪又係咁過……我希望培養佢思想獨立、識得照顧自己。佢將來會有自己興趣,你鍾意,爸爸一定會支持,但係幫你唔到,因為做任何嘢都冇捷徑,一定要吃苦鑽研、一定要可以堅持。成功唔係變魔術,冇七分鐘速成法,人生路上總會撞板總會跌,到你自己遇到時,就明白鍾意就自然可以堅持落去!」

 

📣相關閱讀
▸【星Easy】布志綸(上):我是一個總在外闖的爸爸 http://bit.ly/2BZsHJK
▸【星Easy】何嘉莉(上):我都曾經係緊張大師!http://bit.ly/2P1vFz7
▸【星Easy】何嘉莉(下):和仔女每天分享是一種習慣!http://bit.ly/2P1UWJv

 

想知更多育兒資訊 請留意Easy Pama

 

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest