教養之道
布志綸(上):我是一個總在外闖的爸爸

布志綸(Alan)有兩個身份,是樂隊Mr.的主音,這些年也開始單飛,一個人走上唱作路。儘管Mr.開頭開得好,有校長譚詠麟加持、有大熱歌《如果我是陳奕迅》、還迅速唱到入紅館,不過遇上唱片公司合約糾紛,又從高潮跌到低谷。為勢所逼一邊跟樂隊成員走南闖北,一邊也重拾結他單飛發展,換言之,剩下給兩歲半兒子Adam的時間少之又少:「當今時今日父母都係過份關注、將所有時間資源投放喺小朋友身上時,我真係好少陪伴佢身邊,佢係男仔,希望有一日佢可以明白爸爸有夢想,仲想去闖!」

image1

image2

image3

做音樂太難 冇音樂亦唔得
今時今日樂壇生態跟以往不一樣,Alan既要跟著樂隊成員到處出騷搵食,也要為個人發展忙製作宣傳,Alan說以前唱片宣傳只用跑主要電視台和電台,現在卻要花多三倍時間走tour唱埋街頭,時間比以前更難分配:「我喺屋企練結他,個仔成日衝入嚟睇我學我彈;有時朝早要開聲,我又會捉埋Adam陪我一齊開,爭取時間見吓相處吓,互相陪吓大家。音樂興趣我都會幫佢培養,但係唔會逼佢,因為做音樂真係太難。不過音樂、畫畫、攝影咩都好,幫小朋友培養一門興趣既可以陶冶性情,亦可以抒發感情。尤其香港係一個咁壓逼又商業的社會,情感係需要一個出口抒發。成日開工帶住佢喺身邊,一來想佢知道爸爸忙緊乜,亦都想盡量感染Adam,想佢對呢個世界多點憧憬,因為有音樂的世界真係唔同,會靚好多!」

image4

image5

 

男生就是要闖 爸爸一定會撐
正處於事業打拼期,Alan一方面對兒子Adam充滿內疚,一方面也回想起自己的成長,爸爸一樣很少在身邊:「其實我細個時都係跟住媽媽多,爸爸又係成日都見唔到人,要做嘢、要養家嘛。不過大個之後,你問我會唔會影響同爸爸感情,又唔會喎。我係一個男人,Adam都係一個男仔,我希望佢大個會明,爸爸除咗家庭,都有自己世界,都有夢想要去追。我係嗰種要闖要衝要完成夢想嘅人,我希望Adam大個都會有呢一日,作為爸爸一定會話畀佢知:『你去啦!爸爸撐你!』不過講番轉頭,同個仔嘅相處我都好珍惜,因為好多時見到佢,反而會啟發我。兩歲人仔,永遠都好鍾意分享,食物玩具都手,都係問咗爸爸媽媽想唔想要先……係囉,喺商業社會生存咗咁耐,我哋係唔係都好合理化,有乜事都係諗到自己先?」

預告:和Mr.另外四位成員經歷過高山低谷,同樣付出,Alan的努力卻總因為太太家境豐厚被外界忽視。Alan說自己天生大男人越被看低越要努力,也希望兒子長大後同樣能靠自己、會吃苦!
📣相關閱讀
▸【星Easy】何嘉莉(上):我都曾經係緊張大師!http://bit.ly/2P1vFz7
▸【星Easy】何嘉莉(下):和仔女每天分享是一種習慣!http://bit.ly/2P1UWJv

 

想知更多育兒資訊 請留意Easy Pama

想隨時獲得更多親子資訊,就快啲like我哋Facebook啦!⁠⁠⁠⁠
推介內容
event_latest